ماسکو کښې د ایران او روسیې د خارجه وزیرانو صلاح مشورې
د ایران او روسیې د بهرنیو چارو وزیرانو د دوه اړخیزو اړیکو او د غزې د حالاتو په شمول د سیمه ایزو او نړیوالو بدلونونو په هکله صلاح مشورې وکړې.
د ایران او روسیې د بهرنیو چارو وزیرانو د دوه اړخیزو اړیکو او د غزې د حالاتو په شمول د سیمه ایزو او نړیوالو بدلونونو په هکله صلاح مشورې وکړې.
د فارس خبري آژانس په لیکنه، د ایران د اسلامي جمهوریت د بهرنیو چارو وزیر حسین امیر عبداللهیان چې د کاسپین د څنډې د پنځو هیوادونو د خارجه وزیرانو په کلیزه غونډه کښې د ګډون په موخه د یو پلاوي په مشرۍ ماسکو ته تلی دی، پرون مازیګر یې د روسیې له خارجه وزیر سرګئي لاوروف سره ملاقات او خبرې اترې وکړې.
دوه اړخیزه مسائل او د غزې د حالاتو په شمول نړیوال او سیمه ایز بدلونونه د ایران او روسیې د خارجه وزیرانو په کتنه کښې جاجول شوي موضوعات وو.
په دغه ملاقات کښې ماسکو ته د ایران د ولسمشر د سباني سفر په هکله هم خبرې اترې وشوې.
ټاکل شوې چې ولسمشر سید ابراهیم رئیسي د ولادیمیر پوتین په بلنه، سبا پنجشنبه ماسکو ته لاړ شي.
