د ایران محصیلین له امریکا سره د مبارزې مخکښان دي
ایرنا خبري اژانس راپور راکړی د تهران د جمعې لمانځه خطیب په ایران کښې د محصیلینو د غورځنګ ځلانده مخینو ته په اشارې سره وویل: محصیلین د امریکا له ظلم سره د مبارزې مخکښان دي.
د دسمبر د میاشتې اومه یعني د لیندۍ د میاشتې شپاړسمه د ایران د اسلامي جمهوریت په کال هینداره کښې د محصیلینو ورځ نومول شوي ده.
د نولس سوه درې پنځوسم میلادي کال د دسمبر په اومه یعني د دیارلس سوه دوه دیرشم هجري لمریز کال د لیندۍ د میاشتې په شپاړسمه نیټه د ایران محصیلینو تهران ته د امریکا د هغه وخت د ولسمشر د مرستیال ریچارډ نیکسن له سفر سره په یووخت د ایران په کورنیو چارو کښې د واشنګټن په لاسوهنو باندې اعتراض کښې د تهران پوهنتون مخ ته مظاهرې وکړې.
دغه مظاهرې پهلوي رژیم ته د کاملا اړونده او لاسپوڅي رژیم د عسکرو په یرغل سره په وینو کښې لیتې پیتې شوې او د ایران درې محصیلین شهیدان کړې شول او سلګونو نور ژوبل هم شول.
د تهران ښار د جمعې لمانځه خطیب د نن ورځې په خطبو کښې د محصیلینو د ورځې په درنښت سره وویل د محصیلینو غورځنګ له استکبار سره له مبارزې کولو سره غوټه خوړلي ده او لومړی ځای چې مړه دې امریکا شعار ورکړل شوی پوهنتون و ؛ پر دې اساس محصیلین باید ویاړ وکړي ځکه چې محصیلین له استکبار سره د مبارزې مخکښان دي.
د تهران د جمعې لمانځه موقته امام په دوام کښې د غزې جنګ ته هم اشاره وکړه او په دې خبرې سره چې د اسلامي انقلاب له لومړیو څخه د ایران سټراټيژۍ دا ده چې اسرائیل باید له سیمې لاړ شي او ټول فلسطین د فلسطینیانو لپاره دی او باید انتخابات ترسره شي وویل د صهیونیسټ رژيم د جنایتونو پینځه اویا کاله تیریږي او دنیا اوس د دغه سټراټيژۍ په حقانیت پوهه شوي ده؛ نن سبا حتی په بریتانیا کښې چې د اسرائیلو رژیم په بنسټ کیښودل کښې یې رول لرلی دی زرګونو خلک مړه دې وي اسرائیل شعارونه ورکوي.
هغه وویل یوه ورځ د امریکا د بهرنیو چارو وزیر د نوي مینځني ختیځ خبره کوله خو نن سبا د مقاومت په چورلیز سره نوي مینځني ختیځ بڼه خپله کړي ده او د معادلاتو د ګډوډولو په حال کښې دی.
