د شهید سید ابراهیم رئیسي ژوند ته یوه لنډه شان کتنه

پارس ټوډی ـ رئیسي په ۱۳۷۳ ( ‍۱۹۹۴ ) کال کې د ایران د عمومي پلټونکي سازمان د مشر په توګه وټاکل شو او تر لسو کلونو پورې یې دغه دنده ترسره کړه.

سید ابراهیم رئیسي د هېواد د عمومي تفتیش د ادارې د مدیریت دوره د هغه په ​​ژوند کې یو مهم بدلون و، ځکه چې هغه د خپلو لاسته راوړنو په تکیه کولو سره د اداري بنسټونو د څارنې بهیر بدل او سیستماتیک کړ.

د ایران د اسلامي جمهوریت ولسمشر سید ابراهیم رئیسي د ۱۳۳۹ هجري لمریز کال د لیدنۍ میاشتې چې د ۱۹۶۰ کال د ډسمبر میاشتې سره برابره ده، د مشهد ښار په نوغان سیمه کې په یوې دیندارې کورنۍ کې دې نړۍ ته سترګې وغړولې.

پلار يې حجت الاسلام سيد حاجي رئيس السادتي او مور يې سيده عصمت خداداد حسيني نومیده چې دواړو د حضرت محمد ص د اولادې د حضرت زيد بن علي بن الحسين (ع) سره تړاو لري.

رئیسي خپلې لومړنۍ زده کړې په جوادیه ښوونځي کې بشپړې کړې او په ۱۳۵۴ هجري لمریز کال ( ۱۹۵۷)  کې د خپلو زده کړو د دوام لپاره د قم مدرسې ته لاړ او د څه مودې لپاره یې په یوه ښوونځي کې چې د امام خمیني (رح) د یوه خپلوان له خوا مدیریت کېده، زده کړې وکړې.

په یوه ښوونځي کې زده کړې وکړې.

د امام خمینی په دفاع کی ...

د ۱۳۵۶ لمریز کال د لیندۍ په ۱۷ نیټه ( د ۱۹۷۸ کال د جون په اوه) په پهلوان شاهي رژیم پورې تړلې ورځپاڼې کې د امام خمیني (رح) له سپکاوي وروسته او د دغه امریکا پورې تړلي رژيم پر ضد د ولسي حرکتونو له پیلیدو سره سم، ښاغلي رئیسي چې په اغلب ګمان هغه مهال د ایت الله بروجردي ( خان مکت ) ښوونځي کې وو، په پاڅون کې فعاله ونډه اخیستل پیل کړل.

سید ابراهیم رئیسي په دې موده کې خپل کمپایني فعالیتونه د هغو انقلابي علماوو سره چې له زندانه ازاد شوي او یا جلا وطن شوي وو، د خبرو اترو او د تهران په پوهنتون کې د علماوو او روحانیانو په غونډو کې په ګډون کولو سره پیل کړل.

اسلامي انقلاب

رئیسي د اسلامي انقلاب له بریالیتوب وروسته د شهید بهشتي په ځانګړي روزنیز کورس کې چې د اسلامي نظام د مدیریت د اړتیاوو د پوره کولو لپاره د کارکونکو د پیدا کولو او د مارکسیستي پاڅونونو او د سلیمان په جومات کې د مختلفو ستونزو د رامنځته کیدو په اړه جوړ شوی وو، ګډون وکړ.

د مسجد سليمان له ښاره له راستنېدو وروسته يې د شاهرود په ښار کې د سياسي – نظرياتي کمپلکس 02 تعليمي مرکز جوړ کړ او د لنډ وخت لپاره يې اداره کړ.

رییسي د مدیریت ډګر په ۱۳۵۹ لمریز کال ( ۱۹۸۰ )  کې د کرج ولسوالۍ کې له وکالات څخه پیل کړ چې وروسته د شهید قدوسي په فرمان د کرج ولسوالۍ د څارنوالۍ د رئیس په تګه وټاکل شو.

هغه له دوه کلنې دندې وروسته په تابستان او همدان کې یادې دندې ترسره کړې چې له ۱۳۶۱ کال څخه یې تر ۱۳۶۳ کاله پورې دوام وکړ.

رئیسي په ۱۳۶۴ هجري شمسي (۱۹۸۵) کال کې د تهران د انقلاب د لوی څارنوال د مرستیال په توګه وټاکل شو او په دې توګه یې د قضايي مدیریت دوره پیل شوه.

 د پېچلو قضايي قضيو په حلولو کې د رئيسي له برياليتوب وروسته، امام خميني (رح) هغه او حجة الاسلام نيري ته مستقیمط دندې وسپارلې ترڅو د لرستان، کرمانشاه او سمنان په ګډون په ځينو ولايتونو کې ټولنيزې ستونزې حل کړي.

سید ابراهیم رئیسي د فقه او حقوقو په برخه کې د خپلې څیړنې په پای ته رسولو سره په دې برخه کې د لوړو زده کړو (څلورمې درجې) په ترلاسه کولو بریالی شو او په پای کې یې د «فقه او شریعت د اصولو او ظهور» تر عنوان لاندې د خپلې دوکتورا مقالې څخه دفاع وکړه. .

ښاغلی څارنوال ...

سید ابراهیم رئیسي په ۱۳۶۸ (۱۹۸۹) کال کې د اسلامي انقلاب د بنسټګر حضرت امام خمیني (رح) له مړینې وروسته د هغه وخت د قضائیه قوې د مشر په فرمان سره د تهران د څارنوال په توګه وټاکل شو او د پنځه کالونو لپاره یې یاده دنده ترسره کړه.

رئیسي په ۱۳۷۳ ( ۱۹۹۴ ) کال کې د ایران د عمومي پلټونکي سازمان د مشر په توګه وټاکل شو او تر لسو کلونو پورې یې دغه دنده ترسره کړه.

سید ابراهیم رئیسي د هیواد د عمومي تفتیش د ادارې د مدیریت دوره د هغه په ​​ژوند کې یو مهم بدلون و، ځکه چې هغه د خپلو لاسته راوړنو په تکیه کولو سره د اداري بنسټونو د څارنې بهیر بدل او سیستماتیک کړ.

د ایران د عمومي مفتش اداره د رئیسي په دوره کې له متوازن جوړښت په رامنځته کولو بریالۍ شوه او د ایران د اسلامي جمهوریت د یوه څارونکي ستنې په توګه رامنځته شوه.

په دې موده کې د ایران د اداري او اقتصادي نظام ډېری نخښې په ګوته شوې او له فساد څخه د خلاصون زمینه برابره شوه.

رئیسي له ۱۳۸۳ څخه تر ۱۳۹۴ (۲۰۰۴ تر ۲۰۱۴) پورې د ایران د اسلامي جمهوریت د قضائیه قوې د لومړي مرستیال او له ۲۰۱۳ تر حوت (۲۰۱۴ تر ۲۰۱۵) پورې د دغه هیواد د لوی څارنوال په توګه هم دنده ترسره کړې ده.

سید ابراهیم رئیسي له ۱۳۹۱ تر ۱۴۰۰ (۲۰۱۲ تر ۲۰۲۱) پورې د انقلاب د معظم رهبر حضرت امام خامنه ای په حکم د دیني عالمانو ځانګړی څارنوال هم و.

رئیسي د ۱۳۹۴ د کب په میاشت کې د امام خامنه ای په حکم د دریو کلونو لپاره د امام رضا د قدس رضوي د استان د مشر په توګه وټاکل شو او ترڅنګ یې د امام رضا علیه السلام زیارت کوونکو ته خدمات وړاندې کول چې د اسلام د پېغمبر (ص) د اولادې په توګه یې، د بې وزلو سره د مرستې لپاره خورا ارزښتناکه کړنې ترسره کړې.

له قضایه قوې تر ریایست جمهوري

سید ابراهیم رئیسي د ۱۳۹۷ کال د کب ( ۲۰۱۹ د مارچ ۷ ) د انقلاب د معظم رهبر لخوا د ایران د قضائیه قوې د مشر په توګه وټاکل شو.

 د رئیسي په دوره کې د قضایي سیستم فعالیت د څو لاملونو له امله دی، هغه د اسلامی جمهوریت په نظام کې د دغې ادارې کچه لوړه کړه.

رئیسی د ایران د اسلامي جمهوریت د قضائیه قوې د ودې په لاره کې د سیمې په مدیریت او د خلکو د قضائی مشکلاتو د نژدی تعقیبولو او په حل کولو، له اقتصادی فساد کونکو سره د پرېکنده او بې موافقې چلند، د قضایی بدلون د سند په مسوده او نهایی کولو کې د هیلمندۍ تر کچې جدی ګامونه پورته کړل.

له همدې امله د اسلامي انقلاب ستر مشر د دې بدلون ستاینه وکړه او د خلکو په زړونو کې یې امیدونه زیات شول.

سید ابراهیم رئیسي په ۱۴۰۰ ( ۲۰۲۱ م ) کال کې د جمهرویت ریاست په ۱۳م دوره ټاکنو کې له ګډون وروسته د څه باندې ۱۸ میلیونه رایو په تر لاسه کولو سره د ۱۴۰۰ کال د جوزا په اته ویشتمه د ایران د جمهور رئیس په توګه وټاکل شو.

دغه راز د ۱۴۰۲ کال د کب په میاشت کې د خبرګانو د رهبرۍ د مجلس د شپږمې دورې په انتخاباتو کې آیت الله رئیسی د ۸۲.۵۷ فیصده خلکو رایو په ګټلو سره د دریم ځل لپاره د د خبرګانو د هبرۍ مجلس د غړي په توګه وټاکل شو.

د ایران ولسمشر سید ابراهیم رئیسي او د هغه سره مله پلاوې ولس ته د خدمت په لاره کې په ۱۴۰۳ د ثور میاشتۍ په دیرشمه نیټه د حضرت امام رضا ع د نیکمرغه میلاد په شپه د ختیځ اذربایجان په ورزقان سیمه کې د څرخکې د لوېدو په پېښه کې په شهادت ورسېده.