د ایران د ولسمشریزو ټاکنو لپاره د کاندیدانو فاینل نومونه اعلان شول
د ایران د اسلامي جمهوریت د کورنیو چارو وزارت د ولسمشرۍ د ټاکنو په څوارلسم پړاؤ کښې د ګډون لپاره د صلاحیت لرونکو کاندیدانو نومونه اعلان کړل.
د ایران د انتخاباتو د کمیټې ویاند محسن اسلامي پرون د ولسمشریزو انتخاباتو لپاره د تایید شویو کاندیدانو نومونه
ښاغلي " مصطفی پورمحمدي، مسعود پزشکیان، سعید جلیلي، علیرضا زاکاني، محمدباقر قالیباف او سید امیرحسین قاضیزاده هاشمیي"د ایران د راتلونکو ولسمشریزو انتخاباتو لپاره تایید شوي کاندیدان دي.
د ولسمشریزو انتخاباتو د کاندیداتورۍ لپاره نوم لیکنه د روانې غبرګولي میاشتې له لسمې نیټې پیل شوې وه او د هم دې میاشتې په څوارلسمه پاې ته ورسیده او په دې موده کښې ۸۰ کسانو د یادو ټاکنو لپاره نوم لیکنه وکړه.
خو د شورای نګهبان له خوا د پورته ذکر شویو شپږو کاندیدانو صلاحیت تایید شو او هغوي به د چنګاښ د میاشتې په اتمه نیټه ترسره کیدونکو ټاکنو کښې، د ولسمشرۍ د چوکۍ د ترلاسه کولو لپاره په خپلو کښې سیالي وکړي.
