ایران د صهیونیستي رژیم له خوا پر صمود سمندري کاروان برید وغانده

پارس‌ ټودس - د ایران د اسلامي جمهوریت د بهرنیو چارو وزارت ویاند د صهیونیستي رژیم له خوا پر صمود (پایداري) سمندري کاروان بیا برید او د غزې د مظلومو خلکو د ملاتړو نیول کېدل غندلي دي. 

د ایران د بهرنیو چارو وزارت ویاند اسماعیل بقایی د بېلابېلو هېوادونو د فعالانو او خلکو د بشري اقدام ستاینه وکړه چې د فلسطین د مظلومو خلکو ملاتړ یې کړی او د غزې د تړانګې د ظالمانه محاصرې د ماتولو هڅه یې کړې.

هغه د صهیونیستي رژیم له خوا پر صمود کاروان برید د نړیوالو قوانینو ښکاره سرغړونه او تروریستي عمل بللی دی.

نوموړي د غزې د بې‌ګناه خلکو د قومي تصفیې او وژنو د دوام په اړه هم اشاره کړې او یو ځل بیا یې د ټولو دولتونو قانوني، اخلاقي او بشري مسؤولیتونه یاد کړي چې د فلسطینیانو د نسل‌وژنې د مخنیوي او د جنایتکارانو د محاکمې او مجازاتو لپاره اقدام وکړي، او د نړیوالې ټولنې د سمدستي اقدام غوښتنه یې کړې.