صالحي امیري: له تاجیکستان سره همکاري د ایران په لومړیتوب کې ده
-
سیدرضا صالحیامیری، د ایران د فرهنګي میراث، ګرځندوی او لاسي صنایعو وزیر او مطلوبهخان ستاریان، د تاجیکستان د فرهنګ وزیر
پارس ټوډی – د ایران د اسلامي جمهوري د فرهنګي میراث وزیر په چین کې له خپل تاجیک سیال سره د لیدنې پر مهال اعلان وکړ چې دواړه هېوادونه به د علمي، میراثي او ګرځندویي همکاریو لپاره نوی لارښود (نقشهراه) جوړوي، او ټینګار یې وکړ چې د نوروز جشن باید تر راتلونکو کلونو پورې د سرمشریزو تر کچې ارتقا ومومي.
د پارس ټوډی د راپور له مخې، د ایران د میراث او ګرځندوی وزیر سیدرضا صالحیامیري او د تاجیکستان د فرهنګ وزیرې مطلوبهخان ستاریان د چهارشنبې په ماښام د چین د چونګچینګ ښار کې د آسیایي میراثي اتحادیې د دوهم عمومي مجمع په څنډه کې لیدنه کړې، دوی د دواړو هېوادونو د فرهنګي اړیکو د هر اړخیز پیاوړتیا او ګډو همکاریو د پراختیا پر اړتیا ټینګار وکړ.
له تاجیکستان سره د همکاریو لومړیتوب
صالحیامیری په دې لیدنه کې وویل: «له تاجیکستان سره همکاري زموږ په لومړیتوبونو کې ده.»
ده زیاته کړه: «خوښ یو چې نن د دواړو هېوادونو د نویو فرهنګي اړیکو د پيل کولو لپاره زمینه برابره شوې.»
هغه په رسمي ډول د تاجیکستان د فرهنګ وزیرې ته د نوروز د جشن د ګډون بلنه هم ورکړه او وویل: «موږ پرېکړه کړې چې د نوروز ظرفیت په راتلونکو کلونو کې د سرمشریزو تر کچې پورته کړو.»
ګډ تمدني ارزښتونه
د ایران د میراث وزیر د دواړو هېوادونو ترمنځ د ثبت شوو پنځو ګډو ناملموسو میراثونو یادونه وکړه او ویې ویل:
«دا ګډ میراثونه زموږ د دواړو هېوادونو ستر تمدني شتمني ده. هر یو یې د دواړو ملتونو ترمنځ د فرهنګي نښلونې ځانګړی ټکی دی او باید د ګډې ساتنې او معرفي لپاره یې ګډ کار وشي.»
د عملي همکاریو وړاندیزونه
صالحیامیري د دوه اړخیزو همکاریو د پراختیا لپاره څو طرحې وړاندې کړې چې په کې
- د فرهنګي میراث د ساتنې لپاره د ګډ میکانیزم جوړول
- د وزیرانو او تخصصي کمیتو منظمې ناستې
- د کلتوري آثارو د بیرته راګرځولو په برخه کې همکاري پیاوړې کول
- د کلتوري میراثونو ګډ نړیوال ثبت
- د فرهنګي شتمنیو د قاچاق پر ضد مبارزه
ده همدارنګه وویل چې ایران چمتو دی د تاریخي ودانیو په ترمیم کې خپله تجربه تاجیکستان ته انتقال کړي، او زیاته یې کړه چې «د شمالي ګاونډي بریا د ایران بریا ده.»
د علمي او ګرځندويي همکاریو پراختیا
د علمي او ګرځندویي همکاريو پراختیا
د ایران د میراثفرهنګي وزیر د خپلې ادارې د څېړنیزو ظرفیتونو (۵ څېړنیزو انستیتوتونو او ۴۰۰ متخصصو څېړونکو) یادونه وکړه او وړاندیز یې وکړ چې لومړنۍ ګډه تخصصي غونډه به په تهران او دویمه به یې په دوشنبې کې جوړه شي.
په ګرځندویي برخه کې یې وویل:
«د تاجکستان سره د ګرځندویي تبادلې د پراختیا لپاره مو هیڅ محدودیت نه دی ټاکلی او د کیش ټاپو ته د مستقیم الوتنو په پیلولو سره مو د سفر اسانتیاوې برابرې کړې دي.»
د تاجیکستان مثبت غبرګون
د تاجیکستان د فرهنګ وزیرې مطلوبهخان ستاریان، د ایران وړاندیزونه په خوښۍ ومنل. هغې وویل:
«ایران او تاجکستان دوه ملتونه او یو فرهنگ دي. ګډه ژبه، ګډې ریښې او ګډ فهم لرو او دا د راتلونکو همکاريو لپاره لویه شتمني ده.»
هغې د تهران ته د خپل لومړني رسمي سفر پر مهال د ګډې کلتوري کمېسيون د لومړۍ غونډې د ترسره کولو آمادگی اعلان کړ او په فارسي ژبه او ادبیاتو کې یې د لا زیاتې همکارۍ اړتیا د کلتوري ګواښونو پر وړاندې مهمه وبلله.
دا کتنه چې د اسیايي هېوادونو سره د ایران د کلتوري همکاريو د پیاوړتیا په چوکاټ کې ترسره شوه، د دوو هم ژبو او همفرهنګو هېوادونو ترمنځ د تمدني اړیکو د مضبوطولو او د ټولګړیزو کلتوري اړیکو د پراختیا په لار کې یو لوی ګام ګڼل کېږي.
