د حلال تجارت پراختیا او اقتصادي ملګرتیا زمونږ لومړیتوب دی

د  افغانستان د طالبانو د حکومت د صنعت او سوداګرۍ وزیر د ترکیې د رسمي بلنې په اساس د استانبول د حلال نړیوال نندارتون او نړیوال کنفرانس د پرانیستې په مراسمو کې ګډون وکړ او څرګنده ئې کړه چې د حلال تجارت پراختیا او د اقتصادي ملګرتیاؤ پیاوړتیا د افغانستان له مهمو لومړیتوبونو څخه دي.

د تسنیم د راپور له مخې، د  افغانستان د طالبانو د حکومت د صنعت او سوداګرۍ وزیر نورالدین عزیزی» د ترکیې د حکومت  په رسمي بلنه د یوه پلاوي په مشرۍ په دغو مراسمو کې حاضر شو.

هغه د نندارتون په پرانیستونکو دستورو کې د حلال تجارت د پراختیا او له اسلامي او سیمه‌ییزو هېوادونو سره د اقتصادي ملګرتیاؤ  پر زیاتولو ټینګار وکړ او وې ویل چې افغانستان غواړي د حلالو نړیوالو او سیمه‌ییزو بازارونو په برخې کې فعاله ونډه ولري.

د  افغانستان د طالبانو د حکومت د صنعت او سوداګرۍ وزیر زیاته کړه چې د افغانستان تولیدي او صادراتي ظرفیتونه د دغو بازارونو د اړتیاوو یوه برخه پوره کولی شي.

دا اقتصادي پېښه چې د ۱۱۰ څخه د زیاتو هېوادونو د حکومتي او خصوصي سکتور د استازو په ګډون  له پرونه پیل شوې او  تر ۲۹مې پورې په استانبول کې ترسره کېږي، په حلال تجارت، تولید او خدماتو کې له تر ټولو معتبرو نړیوالو غونډو څخه ګڼل کېږي.

په دغه نندارتون کې افغان سوداګر او شرکتونه د سټال  لرونکو او تولیدونکو په توګه ګډون لري او د افغانستان صنعتي وړتیاوې، محصولات او خدمات بهرنیو شرکتونو او پانګوالو ته ورپېژني. د  افغان طالبانو د چارواکو په باور، دا  ګډون  صادرات زیاتولی شي، پانګه جذبولی  او نوي سوداګریز اړیکې رامنځته کولی شي.

د  افغانتسان د طالبانو د حکومت د صنعت او سوداګرۍ وزیر رسمي ګډون د افغانستان لپاره له ترکیې او نورو ګډون کوونکو هېوادونو سره د اقتصادي اړیکو په پیاوړتیا کې مهم ګام بلل کېږي او د هېواد د اقتصادي ظرفیتونو د ښه معرفي کولو لپاره ئې یو فرصت ګڼي.