د ایران د اسلامی جمهوریت جیوپولیټیک موقعیت ولې مهم دی؟
پارسټودي –د ایران اسلامی جمهوریت د خپل ځانګړي جغرافیائي موقعیت له امله د نړیوالو نقشو په زړه کې موقعیت لري او په یوه نړیوال سیاسی لوبغاړی بدل شوی دی
ایران چې د سوېل لوېدیځې اسیا په سیمې کې واقع دی او د کسپيّن سمندرګي، فارس خلیج او عمان سمندر ته لاسرسی لري، د ختیځ او لوېدیځ ترمینځ د سوداګرۍ او انرژۍ د تعاملاتو لپاره د یوه مهم پل په توګه عمل کوي.
د پارسټودي د راپور له مخې، دې موقعیت ته چې «سټراټېژیک جیوپولیټیک موقعیت» ویل کېږي، ایران ئې د سیمې او نړۍ یومهم لوبغاړی ګرځولی دی.
د ایران جغرافیائي موقعیت او طبیعي زیرمې د دغه هېواد د سیاسي، اقتصادي او پوځي برخلیک په ټاکلو کې مهم رول لري. ایران د نړۍ د تیلو څلورم ستر او د طبیعي ګیسو دوهم لمبر سترې زېرمې لري، چې دا هېواد ئې د نړیوالې انرژۍ یو مهم مرکز کړی دی. فارس خلیج او عمان سمندر د تیلو د نړیوالو صادراتو یوه اصلي لاره ده او د نړۍ په اقتصاد کې خورا مهم رول لري. ایران د دغو لارو له کنټرولوونکو هېوادونو څخه دی او له همدې امله د انرژۍپه نړیوال بازار ژورې اغېز لري.
د ایران سټراټېژیکې پولې هم ډېر اهمیت لري. دا هېواد له عراق، ترکیې، افغانستان او پاکستان سره ګډې پولې لري. دغه ګاونډیتوب د ایران ستراتېژیک موقعیت لا پیاوړی کوي او دا هېواد د سیمې په سیاسي او اقتصادي تعاملاتو کې یو مهم لوبغاړی ګرځوي. همدارنګه، دغه پولې د سیمې په امنیت او د سوداګریزو او انساني تګراتګ په مدیریت کې مهم رول لري.
پر دې سربېره ، د لوېدیځې اسیا، منځنۍ اسیا، قفقاز او فارس خلیج په څلورلارې کې د ایران ستراتېژیک موقعیت، دا هېواد د ختیځ او لوېدیځ ترمینځ په یوه پل بدل کړی دی. د هرمز تنګي، چې د فارس خلیج برخه ده، د نړیوالوتیلو د صادراتو له تر ټولو مهمو لارو څخه ګڼل کېږي او ایران د دې لارې په کنټرول کې خورا مهم رول لري.
په ټول کې، د ایران جغرافیایي او ستراتېژیک موقعیت، د پراخو طبیعي زیرمو ترڅنګ، دا هېواد د نړیوالو سیاستونویو مهم لوبغاړی ګرځولی دی.
