پر ونزویلا د امریکا حمله د حکومتي ترهه ګرئ څرګند مثال دی
پارس ټوډی - د ایران او ونزویلا د بهرنیو چارو وزیرانو په ټیلیفوني تماس کې د امریکا د ونزویلا پر وړاندې له پوځي تېري وروسته حالاتو په اړه خبرې وکړې.
د ایران د بهرنیو چارو وزیر، سید عباس عراقچي او د ونزویلا د بهرنیو چارو وزیر، ایوان خیل پینتو نن سهار وختي د ونزویلا پر وړاندې د امریکا له پوځي تېري وروسته د ورپسې وضعیت په اړه خبرې وکړې.
د پارس ټوډی د راپور له مخې، عباس عراقچي د ونزویلا پر وړاندې د امریکا د پوځي تېري او د دې هیواد د قانوني ولسمشر او د هغه د ښځې د برمته کول په سخته وغندل او دغه اقدام ئې دحکومتي ترهه ګرئ او د ونزویلا د ملي حاکمیت او ارادې پر ضد څرګند برید وباله. هغه په ایران کې د ونزویلا له خلکو او منتخب حکومت څخه په ملاتړ ټینګار وکړ.
ایوان خیل پینټو د ایران د اصولي دریځ مننه وکړه چې له ونزویلا سره ئې پیوستون ښودلې، او ټینګار ئې وکړ چې د ونزویلا خلک او حکومت د خپل ملي حاکمیت او د خپل برخلیک د ټاکلو په حق کې د امریکا د سرزوري او غیرقانوني سیاستونو پر وړاندې د مبارزې کلک هوډ او اراده لري.
