امریکا او صهیونیسټي رژيم به پخپلو کړنو پښمانه کړو
پارس ټوډې – د امریکا او صهیونیستي رژیم له خوا پر ایران د تېري کوونکي برید، د اسلامي انقلاب د معظم رهبر د شهادت، د یو شمېر پوځي قومندانانو او همدارنګه د سلګونو عامو خلکو په شهادت پسې، د ایران وسلهوالو ځواکونو جلا جلا اعلامیې خپرې کړې.
د پارس ټوډې د راپور له مخې، د ایران د وسلهوالو ځواکونو لوی درستیز والی نن په یوې اعلامیې کې د اسلامي انقلاب د معظم رهبر د شهادت د تسلیت له وړاندې کولو وروسته ټینګار وکړ: د ایران د ملت دښمنان به، په تیره بیا جنایتکاره امریکا او منحوس صهیونیسټي رژیم د ایران د شریف ولس په ملاتړ او یووالي سره ، په قدرت او شجاعت سره پخپلو کړنو پښېمانه کړو.
په دغې اعلامیې کې راغلي دي: د نړئ د پتمو د ستر لارښود او مرشد ارزښتمن میراث به د ایران د زړَور او اتل ملت او د غچ اخیستونکو وسلهوالو ځواکونو لپاره د لارې څراغ وي.
د اسلامی انقلاب د سپاه پاسداران د عامه اړیکو څانګې هم اعلان وکړ چې د ایران د اسلامي جمهوریت وسلهوال ځواکونه به د نیواکي سیمو او د امریکائي ترهګرو پوځي اډو په لور د تاریخ تر ټولو سخت او او غچ ا خستونکي یرغلیز عملیات ترسره کړي.
همدارنګه د ایران د اسلامی جمهوریت د پوځ په اعلامیې کې هم ټینګارشوی دی ،: د خدای په مرسته، د اسلامی ایران د سرلوړي او نه ستړې کېدونکي ولس په ملتیا او جهاد، او د ملت د زړوَرو بچیانو په قدرتمن او با بصیرته شتون سره به د امریکا او اسرائیلو دغه لوي جنایت بې ځوابه پاتې نه شي.
د ایران پوځ پخپلې اعلامیې کې زیاته کړه: د اسلامي انقلاب د شهید لارښود روښانه لاره به تر وروستۍ ساه پورې دوام ومومي او د ایران پوځ د ملت د کلک سنګر په توګه، د خپلواکۍ، ځمکنۍ بشپړتیا او د ایران د اسلامي جمهوریت د نظام د دفاع په لومړۍ کرښه کې ولاړ دی.
