اسماعیل بقايي:خبرې، له تپلو او ګواښ سره هیڅ ارتباط نلري
پارس ټوډې د ایران د بهرنیو چارو وزارت ویاند «اسماعیل بقايي» په اینټرنیټ کښې په یوه پیغام کښې ولیکل:خبرې، له تپلو او ګواښ سره هیڅ اړیکه نلري.
پارس ټوډې سایټ راپور راکړی، د ایران د بهرنیو چارو وزارت ویاند «اسماعیل بقايي» په اینټرنیټ کښې په یوه پیغام کښې ولیکل:د «خبرو» مفهوم د اختلاف د حل کولو په هدف سره د مذاکراتو لپاره صادقانه او حقیقي هڅې ته ضرورت لري (د هیګ د انصاف د نړیوالې محکمې د دوه زره یولسم میلادي کال د اپریل د میاشتې د لومړۍ نیټه رایه)؛ پر دې اساس« خبرې» جدیت او ښه نیت ته ضرورت لري.خبرې نه «جګړه» ده ، نه «دیکته» «نه په زوره اخیستل» او «نه مجبورول» .
په عین حال کښې «اسماعیل بقایي» د ایران د ځوابونو د محتوا په هکله د ځینې رسنیو د ادعا او ګونګوسې په ردولو سره ټینګار وکړ:ایران تراوسه امریکا ته خپل ځواب نه دی ورکړی.
هغه دغه راز د پاکستان په مینځګړیتوب سره د ډیپلوماټیک بهیر د وروستي حالت په اړه وویل: د پاکستان په مینځګړیتوب سره د ایران او د امریکا ترمینځ د پیغامونو تبادله کیږي او د تبادله شویو متنونو په هکله غور روان دی.
اسماعیل بقايي، ډاګینه کړه: د تهران د څوارلس ماده ئیز پلان په هکله د امریکا نظرونو ته د ایران ځواب تراوسه د پاکستان لوري ته نه دی ورکړل شوی.
