د ایران پر ضد د اماراتو د ادعا رد
-
اسماعیل بقایي، د ایران د بهرنیو چارو وزارت ویاند
پارس ټوډی – د ایران د بهرنیو چارو وزارت ویاند د متحده عربي اماراتو هغه ادعا په بشپړه توګه رد کړه چې ګواکې ایران دغه هېواد ته توغندی توغولی دی.
د پارس ټوډی د راپور له مخې، چې د صداوسیما خبري اژانس په حواله یې خپور کړی، د ایران د بهرنیو چارو وزارت ویاند اسماعیل بقایي د متحده عربي اماراتو هغه ادعا رد کړه چې ګواکې ایران پر دغه هېواد توغندی توغولی او د ایران اسلامي جمهوریت پر ضد یې د تورونو له مطرح کولو خواشیني څرګنده کړه.
هغه دا ډول چلند د حسن ګاونډیتوب له اصل سره په ټکر کې او په سیمه کې د هېوادونو ترمنځ د باور د پیاوړتیا او د ناامنۍ د زیاتېدو د مخنیوي لپاره د روانو هڅو خنډ وباله.
هغه له ټولو سیمهییزو لورو وغوښتل چې په سیمه کې د سولې او امنیت پر وړاندې د امریکا او اسرائیلي رژیم د پرلهپسې اقداماتو له امله موجودو پېچلتیاوو، په ځانګړې توګه د ګڼو دروغجنو «بیرغغلط» عملیاتو سابقې ته په پام سره، د ایران اسلامي جمهوریت پر ضد له بېبنسټه تورونو لګولو ډډه وکړي.
