د ایران د ولسمشریزو ټاکنو د فاینل کاندیدانو نومونه اعلان شول
Apr 21, 2017 00:22 Asia/Kabul
د ایران د اساسی قانون ساتندویه شورا بیګا د ولسمشرۍ د دولسم پړاو د انتخاباتو لپاره د صلاحیت تایید شویو شپږو کاندیدانو نومونه د ایران د کورنیو چارو وزارت ته اعلان کړل.
د ایران د انتخاباتو د کمیټې د خبرپاڼې له مخې د ایران د اسلامی جمهوریت د دولسم پړاو د ولسمشریزو ټاکنو لپاره د شپږو تایید شویو کاندیدانو نومونه په دا ډول دی: سید مصطفی آقا میر سلیم، اسحاق جهانګیری کوشایی، حسن روحانی، سید ابراهیم رئیسی ساداتی، محمد باقر قالیباف او سید مصطفی هاشمی طبا.
د ایران د ولسمشریزو ټولټاکنو دولسم پړاو د روانې غویی میاشتې په ۲۹ یعنې د مۍ په ۱۹ نیټه په ټول ایران کښې د ښارونو او کلیو د شوراګانو د پنځم پړاو له ټاکنو سره هم مهاله ترسره کیږی.
ټیګونه
