ایران به د عراق د ولس ملاتړ لاهم جاري وساتي

پرمختللی، پياوړی، امنه او یوموټی عراق د ایران غوښتنه ده او د همدې لیدتوګې په چوکاټ کښې به ایران په هرډول حالاتو کښې د عراق ترڅنګ ولاړ وي.

د عراق د الانبار، دیاله او صلاح الدین ولایتونو د اهل سنت قبایلو مشرانو په بغداد کښې د ایران د اسلامي جمهوریت د سفارت د روژه ماتي په مراسمو کښې په ګډون سره له ترهګرۍ سره په مبارزه کښې د ایران د سټراټیجک رول قدرونه وکړه.

په بغداد کښې د ایران د اسلامي جمهوریت نوي سفیر ایرج مسجدي هم د روژه ماتي په دغو مراسمو کښې څرګنده کړه: ایران به د عراق د ولس ملاتړ ته همدغه شان دوام ورکړي.

ایرج مسجدي تیره سه شنبه بغداد ته له رسیدو وروسته ټنیګار وکړ چې پرمختللی، پياوړی، امنه او یوموټی عراق د ایران غوښتنه ده او د همدې لیدتوګې په چوکاټ کښې به ایران په هرډول حالاتو کښې د عراق ترڅنګ ولاړ وي.