ایران د عراق د موصل د آزادیدو مبارکي ورکړه
د ایران د اسلامي جمهوریت دفاع وزیر د عراق دفاع وزیر او د حشد الشعبي ځواک قومندان ته د موصل ښار په بشپړه آزادۍ کښې د دغه هیواد د پوځ او ولسي ځواکونو د بریالیتوب مبارکي ورکړه.
برید جنرال سردار حسین دهقان نن د عراق دفاع وزیر محمود عبدالغفور عبدا... الحیالي او د ولسي مبارز ځواک قومندان هادي العامري ته په جلاجلا پيغامونو کښې څرګنده کړه: د ترهګرۍ ماتول به د حکومتونو له یوموټې او حقیقي ارادې او د ترهګرۍ خلاف د متحد محاذ له جوړولو پرته امکان ونه لري او او په موصل کښې ستره بریا په عراق کښې د امریکې او صهیونیسټي غاصب رژیم د دسیسو د ماتې سبب شوې ده.
هغه په سیمه کښې د سلطې د نظام د نیابتي جنګ د سټراټیجۍ د بشپړې ماتې په هیلې سره څرګنده کړه چې په عراق کښې وروستۍ بریاوې د عراق د میړني قومندانانو او شیعه عالي مرجعیت د حکیمانه لارښوونو لاندې د حشد الشعبي ځواکونو د اخلاص او ایثار نتیجه ده.
د ایران دفاع وزیر همداشان له عراق سره د دفاعي، پوځي او امنیتي ملګرتیاو د پياوړتیا او پراختیا په لړ کښې د تهران بشپړ چمتووالی اعلان کړ.
