د عراق د دفاع وزیر تهران ته راغے

د عراق د دفاع وزیر نن د ایران د اسلامی جمهوریت د دفاع د وزیر په رسمی بلنې سره د یو دفاعی پلاوی په مشرۍ تهران ته راورسېد.

د ایران د دفاع وزارت د یوې بیانیې په صادرولو سره وویل: د عراق د دفاع وزیر جنرل عرفان الحیالی په دغه سفر کښې چې د ایران او عراق د دفاعی ملګرتیاو د پراختیا په هدف سره دے د  ایران د اسلامی جمهوریت د دفاع له وزیر جنرل حسین دهقان او له نورو سیاسی او دفاعی چارواکو سره کتنه او خبرې اترې وکړی.

د ایران او عراق ترمېنځ د دفاعی ملګرتیاو د تفاهم د یو یادښت لاسلیکول تهران ته د عراق د دفاع د وزیر د سفر یو بل پروګرام دے.