عراق یو پياوړی هیواد دی، لاریجاني، ایران مې دویم هیواد دی، العبادي

د ایران د اسلامي شورا مشر وویل: د ترهګرو په وړاندې د عراقیانو مقاومت نړۍ ته وښودله چې عراق قدرتمن دی او هیڅ څوک پرې تیری نه شي کول.

علي لاریجاني پرون مازیګر په تهران کښې د عراق د وزیراعظم حیدر العبادي په کتنه کښې څرګنده کړه: که څه هم د ترهګرو شتون د عراق لپاره ډیر تاوان درلود خو سبب شو چې د دې ستونزې له دننې څخه یو پياوړی عراق راووځي.

هغه د عراق له ولس او حکومته د ایران د اسلامي جمهوریت د ملاتړونو په دوام باندې په ټینګار سره د دواړو هیوادونو د اړیکو د لازیاتې پراختیا غوښتنه وکړه.

په یاد ملاقات کښې د عراق وزیراعظم هم د ایران اسلامي جمهوریت خپل دویم هیواد وباله او له عراقي ولس او حکومته د ایران د هراړخیزو ملاتړونو قدرونه یې وکړه.