دښمنان د اسلامي ایران خلاف نوې رسنۍ جوړوي
د ایران د راډیو او ټیلیویژن د ادارې مشر پرون وویل: دښمنان د ایران د اسلامي جمهوریت خلاف ډیر په چټکتیا سره د نویو رسنیو په جوړولو لګیا دي.
د ایرنا د خبر له مخې عبدالعلي علي عسکري د ایران د شمال کښې د راډیو او ټیلیویژن د ګیلان مرکز د ۲۰۷ پروژو د کار پیلولو په مراسمو کښې په دې خبرې سره چې د نړۍ رسندوي حالات عادي نه دي، څرګنده کړه: دښمنانو له ایران سره فرهنګي او کلتوري مقابله پیل کړې ده.
هغه زیاته کړه چې د ایران د مقدس جمهوري اسلامي نظام خلاف د ګډوډي جوړونکو رسنیو شمیر له دوو سوو اوښتی دی.
عبدالعلي علي عسکري په مجازي فضا (انټرنیټ) کښې د صهیونیسټانو فعالیت او د ایراني ځوانانو لپاره د هغوي د پروګرامونو او پلانونو په هکله هم وویل: مجازي فضا باید مدیریت شي.
د ویلو ده چې د ایران اسلامي جمهوریت په سیمه کښې د امریکايي-صهیونیسټي چورلیز له دسیسو او اقداماتو سره په مقابله کښې بنیادي رول لوبوي.
