د لويديځ د دسيسو په وړاندې د اسلامي هېوادونو په يووالي تاکيد
د ايران د اسلامي شورا د جرګې د بهرني سياست او ملي امنيت د کمېشن مشر د لويديځ د دسيسو په وړاندې د اسلامي هېوادونو د وحدت او يووالي په ضرورت تاکيدوکړ.
حشمت الله فلاحت پيشه پرون په تهران کښې د الجزائر د پارلېمان د بهرنيو چارو د کمېشن د مشر عبدالحميد سي عفيف په کتنه کښې وويل: په اوسنيو حالاتو کښې اسلامي هېوادونه په غاړه يوه درنه دنده لري او پکار دي د اسلام په خلاف د لويديځ د دسيسو او سازشونو په وړاندې ټينګ اودريږي.
فلاحت پيشه له نويو ټېکنالوجيو څخه په ګټه اخېستلو کښې د ايران سياستونو ته په اشارې سره وويل، ايران په سياسي، سائنسي او ټېکنالوجي زمينو کښې خپلواکي په عمل کښې تعريف کړه او اوس له اېټمي انرجۍ څخه د ايران صلح ايزه استفاده او په ځاي علم او پوهې سره د هېواد د دفاعي توان مضبوطيه د امريکې، اسرائيلي رژيم او په سيمه کښې د هغوي د ملاتړولپاره په يوې ستونځې بدله شوې ده.
د ايران د اسلامي شورا د جرګې د بهرني سياست او ملي امنيت د کمېشن مشر همدا رنګ د دې په بيانولو سره چې ايران او الجزائر د نړيوالو ټولنو په سطح ښې ملګرتياوې لري واضحه کړه،ايران چمتووالے لري چې د نړيوالو ټولنوپه سطح د ګډو دريځونو د غوره کولو لپاره دغه صلاح مشورې زياتې کړي.عبدالحميد سي عفيف هم په دغه کتنه کښې د الجزيرې او تهران د موافقو د اجرائي کېدو په اهميت باندې په تاکيد سره وويل، الجزائر په تجارتي او اقتصادي ډګرونو کښې له ايران سره د ملګرتيا د زياتولو په تکل کښې دے.
