د ایران د کب د دوهمې نیټې ځینې مطبوعات
د چین ولسمشر د ایران د اسلامی شورا له مشر ډاکټر لاریجانی سره په کتنه کې وویل له ایران سره د سټراټیجیکو اړیکو په پراختیا ټینګار لرو .
جمهوری اسلامی
د چین ولسمشر د ایران د اسلامی شورا له مشر ډاکټر لاریجانی سره په کتنه کې وویل له ایران سره د سټراټیجیکو اړیکو په پراختیا ټینګار لرو .
پوتین د روسیې د پارلیمان په کلنیزه وینا کی وویل که امریکا مونږه وګواښی نو حمله به پرې وکړو .
د امریکا بایکاټونو سره سره د ایران د تیلو صادرات زیات شول .
د وینزویلا پوځ امریکا ته نه وویل .
د ایران د اسلامي جمهوریت د پولیسو د پوله ساتو ځواکونو قومندان وویل: د ګډو پولو د ساتنې لپاره د ایران او پاکستان ملګرتیا د سرحدي سیمو د ناامنه کولو لپاره د دښمنانو فتنې شنډوي.
د بحرین رژیم ۱۶ مدنی فعالان په لس کلونو او عمر بند محکوم کړل .
د ایران د بهرنیو چارو وزیر ښاغلی ظریف په سیمه کښې د صهیونیسټي رژیم اقدامات خطرناک وبلل او څرګنده یې کړه: اسرائیل نړیوال حقوق د پښو لاندې کوي . ورځپاڼه په دې زمینه کی لیکی چی محمد جواد ظریف پرون یوې جرمن ورځپاڼې ته په مرکه کښې د صهیونیسټي رژیم له خوا د لبنان او سوریې د هوايي حریم خلاف ورزۍ ته اشاره وکړه او ویې ویل: په سیمه کښې د اسرائیلو اقدامات د نړیوالو حقوقو او د ملګرو ملتو د پریکړه لیکونو خلاف ورزي کونکي دي. د لبنان چارواکو هم د صهیونیسټي رژيم له خوا د خپل هیواد د هوايي حریم په خلاف ورزۍ اعتراض کړی دی خو اسرائيل د امریکې د ملاتړونو په سیوري کښې خپلو تیریو ته دوام ورکوي.
کیهان
د هندوستان خلکو د بن سلمان د سفر په اعتراض کی له بن سلمان وغوښتل چی خپل هیواد ته دې ستون شی ځکه چی د یمن د ماشومانو قاتل دی . کشمیریانو هم هندوستان ته د سعودي ولیعهد په سفر اعتراض کړی دی .
د ترکیې رسندویو راپورونه ورکړی چی د جبهه النصره سرغنه ژوبل او په په ترکیه کی په کوما کې تللې دې .
د روسیې ولسمشر پوتین په تلویحی ډول امریکا په توغندوی حملې وګواښله .
د سعودیانو په وسیله د الحدیده د اوربند خلاف ورزی له څلور زره ځله هم واوښته .
په مصر کی د مرسی ۹ پلویان اعدام شول .
د ایف بی ای پخوانی مشر انډرو میک کیپ ویلی دی کیدلې شی چی ټرمپ د پوتین مامور وی .
عمان له اسرایلو سره د اړیکو د عادی کولو مخالفان ونیول .
د ایران د اسلامي شورا مشر وویل: د ایران او چین ترمینځ د سیمه ایزو او نړیوالو مسائلو په وړاندې یو ګډ نظر موجود دی.ورځپاڼه زیاتوی چی علي لاریجاني د چین له سفره له راستنیدو وروسته د تهران په مهر آباد هوايي ډګر کښې زیاته کړه: په دغه سفر کښې په پارلیماني کچه او د دواړو حکومتونو ترمینځ په مختلفو برخو کښې ښې خبرې اترې وشوې.
د ایران د اسلامي شورا یعنې پارلیمان مشر څرګنده کړه چې د چین له ولسمشر سره په کتنه کښې یې هم د دوه اړخیزو اړیکو په هکله خبرې اترې وکړې او همداشان د دغه هیواد د پارلیمان له مشر سره یې هم ښه بحثونه مطرح کړل.
هغه وویل: له چیني چارواکو سره په ملاقات کښې اعلان وشه چې په اقتصادي برخو کښې عملي لارې چارې شته دي او د هغو په هکله خبرې وشوې او همداشان په حکومتي او پرائیویټ برخه کښې د اقتصادي ملګرتیاؤ ښه هرکلی وشه.
د ویلو ده چې د ایران د اسلامي شورا مشر علي لاریجاني چې د چین د پارلیمان د مشر لي ژان شو په بلنه د یو پلاوي په مشرۍ چین ته تللی و، له خپل چیني همرتبه نه علاوه یې د دغه هیواد له ولسمشر شي جین پینګ سره هم ملاقات وکړ.
اطلاعات
د ایران خارجه وزیر ښاغلی ظریف ویلی دی په عربستان د ایټمی ټیکنالوجۍ خرڅول د امریکا دوه مخ والې افشا کوی .
د امریکا د پارلیمان مشرې ننسی پلوسی ویلی دی د ایران په وړاندې د ټرمپ کړچار تیروتنه ده .
د اروپا پارلیمان ویلی دی د خاشقجی قاتل سزا کوو .
د امریکا د کارنګی فکر کوټې په یوه راپور کی ویلی دی چی عربستان او امارات په یمن کی ترهه ګر په وسلو سنبالوی .
ایټالیایی خپرونې د مدی ټیلګراف لیکلی دی ، بن سلمان په ایران کی د وروستیو ترهه ګرو عملیاتو لپاره پاکستان ته جایزه ورکړه .
د افغانستان او پاکستان په اړیکو کی تاوتریخوالی اوج ته ورسید ، کابل د پاکستان سفیر راوغوښته .
د وینزویلا د پوځ قوماندان ویلی دی تر مرګه به له مادورو سره وفاداره وو .
کشمیریانو هندوستان ته د سعودي ولیعهد په سفر اعتراض وکړ . د جمو او کشمیر سلګونو خلکو هندوستان ته د عربستان د ولیعهد محمد بن سلمان د سفر خلاف د مظاهرو په کولو سره آل سعود رژیم په سیمه کښې د ترهګرو ملاتړی وباله.
کشمیري مظاهره چیانو د آل سعود رژیم خلاف د شعارونو په ورکولو سره د یمن د خلکو خلاف د دغه رژیم د حملو د بندیدو غوښتنه وکړه.
وړمه ورځ هم هند ته د بن سلمان له سفره مخکښې د دغه هیواد په پلازمینې نوې ډیلي او څو نورو ښارونو کښې د سعودي ولیعهد په سفر باندې په اعتراض کښې پراخې ولسي مظاهرې شوې وې.
