د ایران د کب د ۱۴ نیټې ځینې مطبوعات
ایران اوافغانستان د اړیکو په پراختیا ټینګار وکړ . کابل کښې د ایران سفیرمحمد رضا بهرامی او د افغانستان دخارجه وزیر مرستیال نصیر احمد اندیشه د چابهار بندر له لارې د دوه اړخیزه تجارتی ملګرتیا په پراخولو ټینګار وکړ .
کیهان
ایران به په اټومی موافقې کښې اروپا ته منتظر پانې نشی . ورځپاڼه په دې اړه په یوه راپور کی لیکی دایران دباندنیو چارو وزیر محمد جوادظریف د اټومی تړون په وړاندې د اروپایی هیوادونو کړچار ته په اشارې سره وویل ایران به په اټومی موافقې کښې د اروپایی هیوادونو په تمه کې ننی .
هغه وویل اروپایی هیوادونه باید په اټومی تړون کښې خپلې ژمنې ترسره کړی .
جواد ظریف دغه راز د فرانسې د پارلمان په یوه کمیسیون کښې د منافقینو د ترهګرې ډلې دیوه سرغنه د شتون په اړه وویل ایران تل اروپایی هیوادونو او فرانسې ته په دغه هیواد کښې دټروریسټانو د شتون په هکله اعتراض کړی دی .
دایران خارجه وزیر جواد ظریف په دې خبرې سره چې دامریکا ډیر چارواکی د منافقینو له ترهګرې ډلې معاشونه ترلاسه کوی وویل د سپینې ماڼۍ د ملی امنیت سلاکار جان بولټن د مالیاتو په فورمې کښې ویلی دی چې د منافقینو له ترهګرې ډلې یې پیسې ترلاسه کړی دی .
هغه له ایران څخه د خپل سفیر په وربللو کښې د هالینډ د اقدام په هکله وویل ایران د هالینډ دوه ډیپلوماټان په غیر قانونی ډول د ایران د اسلامی جمهوریت د ډیپلوماټانو ایستلو ته په غبرګون کښې وویستل نو ځکه خو هالینډ په تهران کښې خپل سفیر د مشورې لپاره وربللی دی .
دایران خارجه وزیر جواد ظریف دغه راز د وینزویلا بدلونونوته په اشارې سره وویل امریکا تل د وینزویلا په کورنیو چارو کښې لاسوهنې کوی او ددغو لاسوهنو د زیاتیدا له لومړیو څخه ایران وویل چې باید له دغه بهیر سره چلند وشی او د واشنګټن د دغه حرکت مخه دې ونیول شی .
ټرمپ ادعا کوی چی زه یو بیګناه انسان یم چی فاسدو کسانو په وسیله ښکیل شوی یم .
اسلامی ایران د هالینډ دوه ډیپلوماټان وویستل .
د پاکستان د پوځ ویندوی وویل د هند او پاکستان اوربند مات شو ځکه چی هندوستان د کشمیر بمبارول له سره پیل کړل .
جان بولټن د وینزویلا په اړه په عجیبه څرګندونو کې وویل لاتینه امریکا زمونږ د نفوذ خصوصی حوزه ده حق لرو چی پکې لاس وهنه وکړو .
د خاشقجی د قتل تازه جزیات خپره شول چی پکې معلومه شوی ده سعودیانو د خاشقجی د مړی ځینې برخې په تنور کې سوزولی دی .
اطلاعات
جهانګیری وایی د ایف اې ټی ایف له لوایحو سره د ایران یو ځای کیدل د هیواد اساسی اړتیا ده
د یمن د انصار ا... غورځنګ مشر وایی اسراییل په یمن د عربستان په حملو کې مشارکت لری .
د ایران دبهرنیو چارو د وزیر دسیاسی چارو مرستیال عباس عراقچی د اټومی موافقې د ساتلو لپاره د اروپایی هیوادونو د عملی اقداماتو غوښتنه وکړه . عباس عراقچی په تهران کښې د جرمنی د خارجه وزارت د سیمې دچارو له مشر فلیپ اکرمان سره په کتنې کښې له ایران سره د تجارت د ځانګړی چینل اینسټیکس په رامینځته کولو کښې د جرمنی د فرانسې او د انګلستان اقدام ته په اشارې سره ددغه سازوکار د رامینځته کیدا د بهیر په اوږدیدا نیوکه وکړه او ویې ویل هیله کیږی چې اروپایی لوری د اټومی تړون د عملی او ملموسو نتیجو او زر ترزره د اینسټیکس د عملیاتی کیدا لپاره جدی هڅه ترسره کړی .
دایران دخارجه وزیر مرستیال عباس عراقچی وویل د اټومی تړون د ساتلو لپاره یوازې د سیاسی ارادې شتون کافی نه دی او اروپا باید ددغه تړون د ساتلو لپاره عملی اقدامات ترسره کړی .
دجرمنی دخارجه وزارت د سیمې د چارو مشر فلیپ اکرمان هم په دغه کتنې کښې وویل برلین د اټومی تړون او دایران د اټومی پروګرام ملاتړ کوی .
فلیپ اکرمان له عباس عراقچی سره په کتنې کښې د ډیپلوماسۍ د بریالیتوب د نښې په توګه د اټومی تړون اهمیت په اشارې اوله اټومی تړون د وتلو لپاره دامریکا په فیصلې نیوکې سره له اټومی تړون د ملاتړ د دوام لپاره د جرمنی په ارادې ټینګار وکړ .
هغه د اینسټیکس مالی سازوکار د جوړولو په هکله وویل دنوی سازوکار له جوړیدا وروسته له ایران سره د کار لپاره دشرکتونو دلچسپۍ ډیره شوی ده او ددغه سازوکار د اجرایی کیدا لپاره هڅه د برلین په لومړیتوب کښې راځی.
د پاکستان پوځ وایی د هند حملو ته له ځواب ورکولو پرته بله لاره نلرو .
امریکا ویلی دی د وینزویلا د رژیم د بدلولو لپاره په پراخ ایتلاف پسې یو .
د لومړی ځل لپاره د استونی یوه میرمنه لومړۍ وزیره شوه .
جان بولټن وایی امریکایی عسکر په افغانستان کی پاتې کیږی .
عربستان ، اماراتو او مصر له اسراییلو سره د اړیکو د عادی کولو لپاره شنه اشاره ورکړی ده .
الجزیره ټیلی ویزیونی چینل د خاشقجی د قتل نوی جزیات افشا کړل .
خراسان
ایران اوافغانستان د اړیکو په پراختیا ټینګار وکړ . کابل کښې د ایران سفیرمحمد رضا بهرامی او د افغانستان دخارجه وزیر مرستیال نصیر احمد اندیشه د چابهار بندر له لارې د دوه اړخیزه تجارتی ملګرتیا په پراخولو ټینګار وکړ .
د ر وسیې خارجه وزیر لاوروف وایی د سوریې په اړه د نوی کاری ډلې ته اړتیا نشته .
امریکا د سوریې په پوله کی د حشد الشعبی د ځای پر ځای کیدا مخه نیسی .
بریتانیا د عربستان د تیریګر ائتلاف ستنه ده . د یمن د انصار الله ولسی غورځنګ ویاند محمد عبدالسلام انګلستان د سعودی عربستان د تیریګر ائتلاف یوه ستنه وبلله چې په ځلونو یې ددغه ائتلاف په ملاتړ اعتراف کړی دی .
