د ایران خلک له دښمن سره مقابلې ته چمتو دي
د ایران د اسلامي تبلیغاتو د غږملتیا شورا د انتفاضې او قدس د کمیټې مشر وویل: د ایران خلک له دښمن سره مقابلې ته تیار دي.
جنرال رمضان شریف نن په تهران کښې د جمعې د لمانځه له خطبو مخکښې په یوه وینا کښې په خپله وینا کښې په ۱۹۸۲ کال کښې د خرمشهر د آزادۍ د کلیزې په درنښت سره زیاته کړه: د ایران ولس د خرمشهر په فتح کولو کښې امریکې ته وښودله چې د امریکې لاس پوڅي او انډیوالان به هیڅ ونه کړی شي.
سردار شریف هم داشان د قدس د نړیوالې ورځې په درشل کښې څرګنده کړه چې د امریکې ولسمشر ډونلډ ټرمپ (د پيړۍ د معاملې) په طرحې سره د فلسطین د ولس د نابودۍ په لټه کښې دی.
هغه په عین حال کښې ټینګار وکړ چې امریکا نن سبا نه له سیاسي لحاظه د فلسطین له مقاومت سره د مقابلې توان لري او نه له پوځي نظره، او په غزې باندې د صهیونیسټانو په وروستۍ حمله کښې نیواکګر له ۷۲ ساعتونو هم په لږ وخت کښې د اوربند منلو ته مجبور شول.
