دکشمیر اوسنی حالت دبریتانیا د اقداماتو پایله ده
-
بریتانیا په کشمیر کښې د نښتو د دوام لپاره په قصدي ډول دغه زخم(د کشمیر مسله ) په سیمه کښې پریښود .
زمونږخبریال وایی د ایران داسلامی انقلاب ستر لارښود حضرت ایت الله العظمی سید علی خامنه ای د کشمیر دمسلمانانو په حالت د خپګان په څرګندولو سره ددغه سیمې اوسنی حالت او په دې زمینه کښې د هندوستان او دپاکستان اختلافات دهند له وچې (subcontinent,)څخه د وتلو په وخت د خبیث انګلستان د اقداماتو نتیجه وبلل .
هغه حضرت پرون دایران له ولسمشر حسن روحانی او د کابینې له غړو سره په کتنې کښې وفرمائیل بریتانیا په کشمیر کښې د نښتو د دوام لپاره په قصدی ډول دغه زخم(د کشمیر مسله ) په سیمه کښې پریښود .
د ایران داسلامی انقلاب ستر لارښود حضرت ایت الله العظمی سید علی خامنه ای ډاګینه کړه مونږ د هندوستان له حکومت سره ښې اړیکې لرو خو د نوی ډیلی له حکومت څخه هیله او تمه دا ده چې د کشمیر د شریفو خلکو په وړاندې له انصاف څخه ډک سیاست غوره کړی او ددغه سیمې دمسلمانانو پرضد زور ونه کارول شی .
د هندوستان حکومت د روان میلادی کال د اګست دمیاشتې په پینځمه (۵) نیټه د نوی ډیلی ترکنټرول لاندې د کشمیر د حکومت دځانګړیو امتیازاتو اصل چې ددغو سیمو لپاره د هند په اساسی قانون کښې په نظر کښې نیول شوی دی لغوه کړی دی .
د کشمیر خلک د دغه سیمې د حالت د ټاکلو لپاره د ټولپوښتنې د ترسره کولو لپاره د ملګروملتونو د امنیت شورا دپریکړه لیک د اجرا غوښتونکی دی خو دهند حکومت تل له دغه اقدام سره مخالفت کوی .
