غريب آبادي: د صهيونېسټ رژيم ايټمي وسلې مېنځنے ختيځ ګواښي
په ويانا کښې په نړيوالو ادارو کښې د ايران استازي وويل، د صهيونېسټ رژيم ايټمي وسلې مېنځنے ختيځ ګواښي.
کاظم غريب آبادي په اېډورډو آمالډي نومې يويشتم نړيوال کانفرنس کښې وويل، د صهيونېسټ رژيم د ايټمي وسلو بې مهاره پروګرام ترټولو لوے مشکل او له اېن پي ټي معاهدې څخه سرغړونه ګڼل کيږي.
غريب آبادي دې ته په اشارې سره چې اسرائيلي رژيم د بې وسلې کولو او وسلې کنټرولو د هيڅ يوې معاهدې غړے نه دےاو هيڅکله يې له اين پي ټي سره يوځاے کېدو ته ګروهنه نه لرلې زياته کړه، د صهيونېسټ رژيم په ګواښونواو د امريکې په مخالفتونو سره په مينځني ختيځ کښې له ايټمي وسلو نه د پاکې سيمې هيڅ روښانه راتلونکے نشته.
هغه د خپلې وېنا په يوه بله برخه کښې په نړۍ کښې د امريکې اقداماتو ته په اشارې سره وويل، له ټاټوبي د وراخوا بنديزونو د لګولو په وړاندې کرښه کښې شتون لري او د تجارتي بنديزونو، په پانګونو کښې د خنډ رامنځته کولو او د پانګو د بلاکولو په شمول له هيڅ کوششه ډډه نه کوي، حال دا چې دغه هېواد ځان د نړۍ پوليس مېن بولي خو د هرډول نړيوال حقوق او اصول ترپښو لاندې چخڼې کوي.
