د نړۍ ترټولو ستره جنګ جوړونکې له ایرانه اندیښمنه ده
د ایران د بهرنیو چارو وزیر وویل: امریکا چې په خپله د وسلو د خرڅونکو او د نړۍ د پوځي لګښت کونکو په سر کښې ده، اوس په ایران باندې د وسلو د بندیزونو د لغوه کیدو په هکله اندیښمنه شوې ده.
محمد جواد ظریف پرون د نړۍ هیوادونو ته د امریکې له خوا د وسلو د صادراتو د اندازې په هکله په خپله ټویټر پاڼه د یوې ویډیو په خپرولو سره ولیکل: مودې وشوې چې امریکې د نړۍ په هیوادونو کښې ترټولو زیات مخارج په پوځي ځواکونو لګولې دي، د وسلو ترټولو ستره پلورونکې او د جنګونو محرکه او پيلونکې او په نښتو کښې ګټه لټونکې پاتې شوې ده.
ظریف په دوام کښې یادونه کړې چې سره له دې د امریکې خارجه وزیر مایک پمپئو د ایران په هکله چې تر ۱۹۷۹ کاله پورې د امریکې د وسلو یو ستر اخیستونکی و، دومره اندیښنه لري چې نړۍ ته د وسلو په ورکولو لګیا دی.
پمپئو تیره جمعه یوځل بیا برجام، یوه غمیزه ناکه موافقه وبلله او ویې ویل: امریکا په ایران باندې د وسلو د بندیزونو د تازه کولو لپاره په امنیت شورا کښې خپل نه انکاریدونکې رول کاروي.
