د ایران په مقابل کې په ماتې اعتراف ،دامریکایانو لپاره ښه لاره
ایران هیڅکله هم په سیمې کې په تاؤتریخوالي اوپوځي ډغرو پسې نه دی ، خو تیریګرو اودښمنانو ته ئې هم ورښودلې ده چې هر کله او هروخت چې لازمه شي ، د امنیت له ګډوډونکو عواملو او عناصرو سره کلکه مقابله کوي او د ځواب وئيلو ته داسې ګټونکي پاڼې لري ، چې یرغلګر به په چورلټ ډول غافلګیر کړي .
د ایران د اسلامی جمهوریت د ملی امنیت د لوړې شورا منشي علی شمخانی پخپل یوه ټولنیز پیغام کې د امریکا خارجه وزیر ته په خطاب کې لیکلي دي ،د قدرتمند ایران په مقابل کې په ماتې اعتراف د احمقانه او بې ملاتړه لاپو غوره اقدام دی .
د اسلامی ایران د ملی امنیت د لوړې شورا منشي پخپل دغه پیغام کې وئيلي دي،څه دپاسه څلویښت کلونه کیږي ، واشنګټن خپل درست قدرت د ایران دناکامولو لپاره کارولی دی،خوهماغه راز ناکام دی او هیڅ په لاس نه دي ورغلي .
د امریکا خارجه وزیر مایک پمپئو پرون ددې خبرې په کولو سره چې د ایران په څیر د هیوادونو په وړاندې نرمښت نه ،بلکې یوازې قدرت ځواب ورکوي، مدعي شوی ، دامریکا اوسني حکومت د ا یران په وړاندې نوی سیاست اجرا کړی دی .
مایک پمپئو چې د ایران د خارجه وزیر په قول ، د ټرمپ د کابینې د نفرت په وزیر بدل شوی دی ، په دې ادعا سره چې ایران ددغه سیاست اغیزې احساس کړي دي ، د جنرال قاسم سلیماني په ترور کې ئې د امریکا ترهه ګر اقدام په ویاړ سره یاد کړی دی .دا په داسې حال کې دي چې تیره اونۍ د ملګروملتو ځانګړي رپورټرې د سردارشهید قاسم سلیماني په شهادت رسولو کې د امریکا ترهه ګراقدام دنړیوالو اصولو خلاف ورزي بللې ده .
ایران هیڅکله هم په سیمې کې په تاؤتریخوالي اوپوځي ډغرو پسې نه دی ، خو تیریګرو اودښمنانو ته ئې هم ورښودلې ده چې هر کله او هروخت چې لازمه شي ، د امنیت له ګډوډونکو عواملو او عناصرو سره کلکه مقابله کوي او د ځواب وئيلو ته داسې ګټونکي پاڼې لري ، چې یرغلګر به په چورلټ ډول غافلګیر کړي .
د واشنګټن د نړیوالو او سټراټژيکو مطالعاتو دمرکز شناندي آنتوني کورډزمن پخپلې یوې څيړنې کې له ځانه په دفاع کې د ایران توانمنیو ته په اشارې سره روښانه کړې ده ، د ایران په ضد په هرډول پوځي بلاغوښتنو سره به ، تهران په سیمې کې د زلزلې ټکانونه رامینځةکړي ،ځکه ایران په سیمې کې د امریکا د ګټو په شیشت کې د راوستو لپاره ډير زیات پوځي پلانونه لري .
نن سبا د امریکا د یو اړخیزو او سلطه غواړو سیاستونو دتپلو دوران تیر شوی دی .
د اسلامی انقلاب معظم لارښود حضرت آيت ا... العظمی سید علی خا منه اي پخپلو یوځینو ویناؤ کې د ا یران د ملت د اقتدار اصلي مولفو ته په اشارې سره روښانه کړې ده ، دښمنان دې پوه شي ، چې که په ایران دتیري فکر په مغزو کې لري،نو له سخت او غاښ ماتونکي ځواب سره به مخ شي ، ځکه دوي ممکنه ده پیلونکي شي ،خو د کار پاي به د دوي په لاس کې نه وي .
د ا مریکاله خوا له ایرانه دو یرولو د پروژو ارزول ښئ چې د ایران په ضد د امریکایانو د چټي لاپو تکرار، د ایران په ضد د امریکا د ګواښونو دتوجیه لپاره نړیواله زمینه برابرول دي . امریکا له ایرانه د ویرولو د بهیر په دوام او د اسلامی جمهوری نظام د حیثیّت او اعتبار د خرابولو په موخې سره ، د ایران د هغو دفاعي ظرفیّتونو له مشکلاتو سره دمخامخولو په لټه کې ده چې په مشخص اوپه ډاګه د ایران له توغندوي توان څخه د اندیښنو په چوکاټ کې ئې تعقیبیږي .
حقیقت دادی چې د امریکا هیبّت او باؤؤ، د ځوړتیا په لاره سَم شوی دی او خپلې انتها ته په رسیدو دی . د امریاک د ماتو اصلي ریښه ، ددغه هیواد په سیاسی فلسفې کې نغښتي ده . له ټرمپ څخه د لا زیات احمق د امریکا د خارجه وزیر پشمول د ډونالډټرمپ سلاکاران اوملګري په دغه باطل تصّور دي چې ایران له امریکا ګواښونو ویریږي ،خو دا امید، د امریکا لپاره په یوه نه پوره کیدونکي هیلې بدل شوی دی .
