پاکستان په سیمې کې د تاؤتریخوالي دکمولولپاره دعراق دنوښت هرکلی کوي
دعراق خارجه وزیر اسلام اباد ته په سفر کې د پاکستان له ولسمشر عارف علوي ،خارجه وزیر شاه محمود قریشي ، دپوځ عمومی قوماندان جنرال قمر جاوید باجوه او ځینو نورو لوړپوړو چارواکو سره هم لیده کاته وکړل .
ایرنا خبری اژانس راپورورکړ ، دپآکستان لومړي وزیر عمران خان د خبرواترو اوډيپلوماسۍ له لارې د مسئلو د حل پر اهمیّت په ټينګار سره د سیمې دهیوادونو ترمینځ د اړیکو دلوړتیا او دتاؤتریخوالي له کمولو سره د مرستې لپاره دعراق دحکوت دنوښت ملاتړ وکړ .
عمران خان پرون په اسلام اباد کې دعراق له خارجه وزیر فواد حسین سره په کتنې کې په سیمې کې د تاؤتریخوالي له کمولو او د هیوادونو ترمینځ دملګرتیا دپیاوړتیا لپاره دبغداد د هلوځلو هرکلی وکړ .
دعراق خارجه وزیر فواد حسین هم په دغې ناستې کې د سیمې دهیوادونو ترمینځ داړیکو دښه کولو او دتاؤتریخوالي د ختمولو لپاره دعراق د حکومت هلې ځلې بیان کړې . هغه همداراز دعراق دلومړي وزیر مصطفی الکاظمي له خوا د پاکستان لومړی وزیر ته بغداد ته دسفر بلنه هم ورکړه او ددواړو هیوادونو دمشرانو دلرلید په باب ئې له پاکستان سره دپیاوړواړیکو د پراختیا لپاره د خپل هیواد دګروهنې خبره هم وکړه .
دواړو لورو پر دوواړخیزو اړیکو سربیره د سیمه ایزو بدلونونو په تیره بیا د افغانستان د وروستیو حالاتو او د سولې دبهیر په باب هم بحث وکړ
دعراق خارجه وزیر اسلام اباد ته په سفر کې د پاکستان له ولسمشر عارف علوي ،خارجه وزیر شاه محمود قریشي ، دپوځ عمومی قوماندان جنرال قمر جاوید باجوه او ځینو نورو لوړپوړو چارواکو سره هم لیده کاته وکړل .
ټاکل شوې ده عراق د روانې میاشتې په وروستیو کې د ایران ،ترکیې ، عربستان ، کویت ، اردن ، سورئې او څو نورو اغیزشیندونکو هیوادونو او د اروپائي اتحادئې دځينو هیوادنو د لوړپوړو چارواکو دیوې ناستې کوربه شي ، ددغې غونډې ترسره کیدا موخه ، د هغو هیوادونو ترمینځ د مهمو سیاسی او امنیتی مسئلو په باب دلیدتوګو نزدیکې کول بلل شوي چې له یوه بل سره اختلافات لري
