د افغانستان دګاونډيانو دخارجه وزیرانو غونډې د طالبانو بلل
د پاکستان خارجه وزیر په اسلام اباد کې د افغانستان د ګاونډیانو دریمې ناستې ته د طالبانو د بلنې خبر ورکړ.
د پاکستان خارجه وزیر شاه محمود قریشي د پاکستان د مشرانو جرګې دبهرنیو اړیکو په کمیشن کې پخپلو څرګندونو کې ووئیل ،د افغانستان د ګاونډیانو په راتلونکي غونډې کې به د طالبانو موقته حکومت ته دګډون بلنه ورکړي .
په افغانستان کې د طالبانو واک ته له رسیدا وروسته ، پاکستان د افغانستان د ګاونډیانو د مشارکت لپاره نوی پلان وړاندې کړی چې په اساس ئې د چین ،ایران، پاکستان ،تاجیکستان ،ترکمنستان او ازبکستان پشمول ګډون کونکو هیوادونو د جنګ ځپلی افغانستان د ورسوتیو حالاتو له ښه کولو سره د مرستې لپاره څو غونډې ترسره کړي دي .
د پاکستان په کوربتوب د افغانستان د ګاونډیانو په دریمې غونډې کې د ګډون لپاره د دطالبانو موقته حکومت ته دبلنې د خبر اعلان، ښئ ،د اسلام اباد کیدونکي ناسته به د طالبانو د موقتي حکومت دنمایندګانو د ګډون له پلوه له مخکینیو دوو ناستو سره توپیر ولري .
په اسلام اباد کې د ستمبر په اتمه نیټه د افغانستان د ګاونډیانو په پرانیستونکي غونډې او په دوهمې غونډې کې چې د اکتوبر په اوه ویشتمه ینټه د تهران په کوربتوب سره ترسره شوه، په دې دلیل چې د طالبانو موقته حکومت په نړیواله سویه په رسمیّت نه دی پيژندل شوی ، ددغې ډلې استازو پکې شتون نه درلود.
د افغانستان د ګاونډیانو په مخکینیو دوو غونډو کې، ټولو ګډون کونکو هیوادونو استازو ، په افغانستان کې د ټولشموله حکومت د جوړیدا پر ضرورت ټينګار کړی او په همدې اساس ئې له طالبانو غوښتي ، ددغه هیواد دسیاسی راتلونکي کې د درستو قوموننو دمشارکت لپاره دې زمینه برابره کړي .
د اګست په پنځلسمه نیټه د کابل د فتح کولو په لومړنۍ ورځ د طالبانو له ژمنې او د درستو قومونو او سیاسی ډلو ټپلو په ګډون سره په افغانستان کې د ټولشموله حکومت دجوړولو لپاره د نړیوالې تولنې له غوښتنې سره سره، البته تردې دمه دغې ډلې داسې کوم مناسبت اقدام نه ترسره کړی چې د سیاسی قدرت د رامینځةکیدا په بهیر کې ددغه هیواد د مختلفو قومونو د رول لوبونې د برابرولو ضمانت شي.
داګمان شته چې دټول شموله حکومت د جوړولو لپاره د افغانستان د ولس دغوښتنو او د نړیوالې ټولنې د غوښتې په مقابل کې د طالبانو مقاومت سبب شوی څو په افغانستان کې ددغې د واکوالۍ د په رسمیّت پيژندنې موضوع هم له مخکې لازیاته شکمنه شي .
دافغانستان ګاونډي هیوادونه چې په مختلفو سیاسی و اقتصادي او امنیتی دلیلونو سره په خاص دقت او حساسیّت سره د دغه هیواد بدلونونه تعقیبوي،او تردې دمه ئې په دې زمینې کې دوې ناستې ترسره کړي دي ،له نورو هیوادونو زیات،د قدرت په ډګر کې د درستو قومونو دګډون په ضرورت او دحکومت په جوړولو کې پر یوه خاص تفّکر له تکیې د طالبانو د ډډه کولو پر ضرورت ټينګار کوي.
دې ته په پام سره چې ټاکل شوې ده ، د اسلام آباد په کوربتوب سره د افغانستان د ګاونډیانو دریمې غونډې ته د طالبانو دموقته حکومت استازي وبلل شي ، دغه غونډه یو مناسب فرصت دی څو ګډون کونکي په لا روښانه او شفاف ډول ، د افغانستان د سیاسی راتلونکي د جوړښت په باب او دقدرت په ډګر کې د دغه هیواد دمختلفو قومونو د رول لوبونې د څرنګوالي په باب ددغې ډلې د تفّکر او لیدتوګو په باب خبر شي.
په داسې شرائطو کې چې د افغانستان دګاونډیو هیوادونو هڅه دثبات د ښه کولو په موخې سره په دغه هیواد کې د پراخ بنسټه حکومت له جوړونې سره مرتسه ده،خو د پاکستان د سټراټژیکو مطالعاتو په موسیسې کې د طالبانو د موقته حکومت د خارجه وزارت د سرپرست امیرخان متقي ورورستۍوینا تر یوه حده نهیلي کونکي ارزول شوې ده .
هغه په دغې وینا کې مدعي شوی چې د طالبانو اوسنی حکومت ټولشموله دی،ځکه د افغانستان ټول قومونه پکې شتون لري .
دا لیدتوګه شته چې که د افغانستان له اوسني حکومته د طالبانو اخستون ، ټولشموله وي ،نو ددغه هیواد د درستو قومونو په شتون سره دیوه حکومت جوړولو ته ددغې ډلې قانع کول به ډير سخت او مشکل کار وي .
