افغانستان به د هیڅ یوه ګاونډي هیوادپه ضد استعمال نه شي
د پاکستان دامنیتی چارو سلاکار په کابل کې د طالبانو د موقته حکومت د خارجه وزارت له سرپرست امیر خان متقي سره هم لیده کاته کړي او پر دوو اړخیزو اړیکو او دسرحدي ترینګلتیاؤ په باب ئې ورسره کوټلي خبرې اترې کړي دي .
زمونږخبریال د دینانیوز له قوله راپور راکړ ، دافغانستان طالبانو د پاکستان د لومړی وزیر دامنیتی چارو له سلاکار معید یوسف سر ه په لیدوکاتو کې ډاډ ورکړی ، چې دافغانستان ټاټوبی به د هیڅ یوه ګاونډي هیواد په ضد استعمال نشي .
په راپور کې وئيل شوي د پاکستان په امنیتی چارو کې سلاکار معید یوسف بیګا په کابل کې د افغانستان د طالبانو د حکومت دمشر له مرستیال عبدالسلام حنفي سره په کتنې کې ددواړو هیوادونو د دوو اړخیزو اړیکو او دسیمه ایزو بدلونونو په باب خبرې اترې وکړې .
عبدالسلام حنفي په دغې کتنې کې وئيلی دي ، افغانستان او پآکستان دوه ورور او ګاونډي هیوادونه دي او پخوا راهسې ډيرې تاریخي ،مذهبی او کلتوري اړیکې لري . پاکستان سره د متقابل احترام په اساس د اړیکو پراختیا غواړو ، او خپل ټاټوبی به هیچا د نورو هیوادونو په ضد کارولو ته پرې نه ږدو .
د پاکستان دامنیتی چارو سلاکار معید یوسف هم په دغې کتنې کې ووئيل وپآکستان د افغانستان له ولس سره په هر مشکل وخت کې ترڅنګ ولاړ دی او دغه ملاتړ ته هماغه راز دوام ورکړي ،البته باید ووئيل شي ، چې داړیکو دغه پیاوړتیا او ثبات د اقتصادي چارو له پراختیا او پیاوړتیا پرته امکان نه لري ، پاکستان د سیمه ایزو پروژو پر اجرائي کیدا او بشپړتیا ته کلک هوډ لري .
داپه داسې حال کې دي چې د پاکستان دامنیتی چارو سلاکار په کابل کې د طالبانو د موقته حکومت د خارجه وزارت له سرپرست امیر خان متقي سره هم لیده کاته کړي او پر دوو اړخیزو اړیکو او دسرحدي ترینګلتیاؤ په باب ئې ورسره کوټلي خبرې اترې کړي دي .
