عمران خان د حکومت پرضد د عمومي اعتراض غوښتنه وکړه
ایسنا خبري اژانس وايي د پاکستان پخواني لومړي وزیر عمران خان له خپلو ملاتړو وغوښتل چې د راتلونکي اونۍ تر شنبې ورځې پورې د وارمخکې انتخاباتو د ترسره کولو لپاره د خپل کمپاین د اخري مرحلې لپاره په اسلام اباد کښې راغونډ شي.
د پاکستان د تحریک انصاف ګوند د مشرانو په رهبرۍ د حکومت ضد د اعتراض کونکو کاروان د هیواد له مختلفو سیمو څخه پنډۍ ښار ته رسیدلی دی او ټاکل شوي ده چې په اخري تم ځاې کښې د حکومت ضد د سترو مظاهرو برخلیک دې معلوم کړي.
عمران خان ویلي دي چې راولپنډۍ ته له رسیدا وروسته د نوامبر د میاشتې په شپږویشتمه نیټه به اسلام اباد ته ورشي او په اسلام اباد کښې به له خپلو ملاتړو سره یوځاې مظاهرې ترسره کړي.
هغه وویل دغه د اوږدې مودې کمپاین دی چې د پاکستان لپاره حقیقي ازادۍ رامینځته شي.
د پاکستان پخوانی لومړی وزیر عمران خان تراوسه نه دی حاضر شوی چې د شهباز شریف حکومت په رسمیت وپیژندي.
عمران خان له تیرو څو میاشتو راهسې د ملي پارلمان ړنګول او په پاکستان کښې د وارمخکې انتخاباتو د ترسره کولو لپاره د نهايي نیټې اعلانول د شهباز شریف له حکومت سره له مخالفت کولو د شاتګ کولو او په هیواد کښې د سیاسي بندون د ختمولو لپاره یوازنۍ شرط اعلان کړی دی.