پاکستان زنداني کډوالې افغانستان ته لیږي
پاکستان ویلي چې د دغه هیواد په جیلونو کښې بندي افغان کډوالې میرمنې به افغانستان ته منتقلې کړي
پاکستان ویلي چې د دغه هیواد په جیلونو کښې بندي افغان کډوالې میرمنې به افغانستان ته منتقلې کړي
د فارس خبري آژانس د خبر له مخې پاکستاني چارواکو ویلي دي چې د دغه هیواد په زندانونو کښې موجودې د افغانستان مهاجرې میرمنې به له دې هیواده وباسي.
د پاکستان د کراچۍ ښار د مرکزي زندان یوې افسرې شیبا شاه په دې هکله وویل: له ټولو ۱۲۹ ښځو څخه ۵۴ میرمنې په دوه میاشتې بند محکومې شوې دي او د نورو ۷۵ ښځو محاکمه لا روانه ده او د روانې جنورۍ میاشتې په اولې اونۍ کښې به افغانستان ته د کابو ۵۸ ښځو د لیږلو بهیر پيل شي.
د پاکستان په سند صوبه کښې د غیرقانوني افغانستاني کډوالو د نیولو عملیات له څو میاشتو راهیسې روان دي.
د پاکستان پولیسو تاییده کړې چې د محکمې په حکم یې هغه ۱۲۰۰ افغانستاني ښځې نیولې دي چې په پاکستان کښې د اوسیدو ضروري مدارک یې نه درلودل.
