امریکې ته د پاکستان د اقتصاد د وزیر سفر لغو شو

د پاکستان د اقتصاد وزیر د کورني سیاسي ګډوډي په وجه د پیسو د نړیوال صندوق(آيي، ایم، ایف) او نړیوال بانک په غونډه کښې ګډون نه کوي.

د تسنیم خبري آژانس د خبر له مخې، اسحاق ډار واشنګټن ته خپل سفر د کورني سیاسي ګډوډي په وجه لغو کړ او د پيسو د نړیوال صندوق او نړیوال بانک په پسرلیزه غونډه کښې ګډون نه کوي.

ټاکل شوې وه چې اسحاق ډار د آيي، ایم، ایف او «ورلډ بینک» له جګ پوړو چارواکو سره د پاکستان د بودجې د تامین او د اسلام آباد له خوا د قسطونو د کړکیچ د مخنیوي لپاره خبرې اترې وکړي.

تیره اونۍ وویل شول چې د پيسو له نړیوال صندوق څخه د پاکستان د پور اخیستو په پروګرام کښې د ځنډ په وجه د دغه هیواد د روپۍ ارزښت ډیر کم شوی دی او د هر ډالر بیه ۲۸۸ روپیو ته رسیدلې ده.