د 'حقیقي آزادۍ' لپاره به تر وروستۍ څاڅکې وینې مبارزه کوم

د پاکستان تحریک انصاف ګوند مشر عمران خان پاکستاني ولس ته په خطاب کې ویلي، چې د 'حقیقي آزادۍ' لپاره به تر هغو مبارزه کوي، چې وجود کې یې یوه څاڅکې وینه پاتې وي.

عمران خان په یو لوړ ټویټونو کې پر پاکستاني وګړو غږ کړی چې هېچا ته سر ټیټ نه کړي.

نوموړي لیکلي، هغه هېوادونه چې بې‌عدالي او د ځنګل قانون پکې حاکم وي، ډېر وخت نه پاتې کېږي.

عمران خان تر دې وړاندې له خوشي کېدو وروسته، د بریتانیا له 'سکای نیوز' ټلویزیوني شبکې سره مرکه کې ویلي وو، د پاکستان حکومت او اېسټبلېشمېنټ ترې په وېره کې دي.