د پاکستان سفیروایی افغان بندیان به ژر خوشې کړو
حقاني وویل چې غواړي په نږدې راتلونکي کې پاکستان ته سفر وکړي او د افغان کډوالو له پنډغالو څخه د هغوی د ستونزو اورېدو په موخه لیدنه وکړي.
د طالبانو د کډوالو او بېرته راستنېدونکو چارو وزارت سرپرست خليل الرحمن حقانی د افغانستان لپاره د پاکستان له سرپرست سفير عبيد الرحمن نظاماني سره په کتنه کې په پاکستان کې د بندي افغانانو د ژر تر ژره خوشې کولو غوښتنه وکړه.
د نوموړي دفتر ویلي په دغه کتنه کې په پاکستان کې د مېشتو افغان حاجيانو، پاکستان ته د بیت ا... شریف نه د راغلو افغان حاجيانو د بېرته تګ او د هغو افغانانو پر ستونزو، چې د وړو جرمونو او يا د اسنادو د نه لرلوله امله د پاکستان په زندانونو کې بنديان دي خبرې وشوې.
حقاني وویل چې غواړي په نږدې راتلونکي کې پاکستان ته سفر وکړي او د افغان کډوالو له پنډغالو څخه د هغوی د ستونزو اورېدو په موخه لیدنه وکړي.
نوموړي همدارنګه له پاکستان څخه د افغان کډوالو د کوربه توب له کبله مننه وکړه او د هغو افغانانو د ژر تر ژره خوشې کېدو غوښتنه يې وکړه، چې د کوچنیو جرمونو او یا د اسنادو د نه لرولو له امله نیول شوي دي.
په کابل کې د پاکستان سفیر په دغه کتنه کې ژمنه وکړه، چې له بیت ا... شریف څخه راستنېدونکو حاجیانو ته به ویزې ورکوي او افغان بندیان به خوشې کړي.
