د پاکستان د چاودنې پړه داعش ومنله
Aug 01, 2023 03:59 Asia/Kabul
داعش ترهګرې ډلې د پاکستان په باجوړ سیمې کښې د شوې چاودنې مسئولیت په غاړه واخیسته.
الجزیره چینل خبر ورکړی چې داعش ترهګرې ډلې پرون وویل چې د اتوار په ورځ په باجوړ سیمه کښې په یوې غونډې کښې شوې چاودنې دوي کړې ده.
دغې چاودنې د هیواد دننه او بهر پراخې غندنې په ځان پسې لرلې دي.
د طالبانو ویاند د پاکستان د چاودنې په غندلو سره وویل: دغه ډله جنایتونه په هیڅ توګه د توجیه وړ نه دي.
ذبیح ا... مجاهد د پاکستان په خیبر پښتونخوا کښې د مولانا فضل الرحمان د ګوند د غړو په غونډه کښې شوې چاودنه وغندله او دغه جنایت یې نه توجیه کیدونکی بللی دی.
همداشان د ملګرو ملتو سرمنشي انتونیو ګوتریش هم دغه ترهګره پیښه په کلکه غندلې ده.
په دغې چاودنې کښې 54 تنه مړه او 83 زخمی شوي دي.
ټیګونه
