پاکستان په سوریې کښې د پراخ بنسټه حکومت د جوړولو غوښتنه وکړه

ایرنا خبري اژانس راپور راکړی پاکستان د ملګروملتونو تر ملاتړ لاندې په سوریې کښې د پراخ بنسټه حکومت د جوړولو غوښتنه وکړه.

په ملګروملتونو کښې د پاکستان دائمي استازي« منیر اکرم» د سوریې د حالت په هکله د امنیت شورا په غونډه کښې ټینګار وکړ د سوریې د ملي واکمنۍ او د وحدت د ساتلو لپاره د پراخ بنسټه حکومت جوړول ضروري دي او ملګري ملتونه باید د دغه بهیر ملاتړ وکړي.

په ملګروملتونو کښې د پاکستان دائمي استازي ډاګینه کړه د سوریې د خلکو د هوساینې او د سیاسي او د امنیتي مسائیلو د پرمخ بیولو لپاره په جامع او  پیاوړي بڼه د حکومت په سوله ئیز ډول ورسپارل ضروري دي.