د ایران د اټومي تړون د بیا احیا ملاتړ کوو
پارس ټوډې – د پاکستان د بهرنیو چارو د وزارت ویاند شفقت علي خان د سیمې په ثبات او نړیوال امنیت کې د ایران د اسلامي جمهوریت پر رول باندې په ټینګار سره وویل: اسلامآباد د ایران د اټومي تړون او د هغه د بیاژوندي کولو ملاتړ کوي.
د پارس ټوډې د راپور له مخې، د پاکستان د بهرنیو چارو د وزارت ویاند شفقت علي خان پرون په اسلامآباد کې په خپل اونیز خبري کنفرانس کې د یوې پوښتنې په ځواب کې وویل: پاکستان په سیمه کې د ایران له فعال رول او د نړیوال امنیت د ګټو لپاره د هغه له هڅو خبر دی.
علي خان زیاته کړه: تهران او اسلامآباد د بېلابېلو کانالونو له لارې له یوبل سره اړیکه لري او دواړه هېوادونه د خپلو خلکو د ښهژوند او د سیمې د ثبات لپاره د رول لوبولو په اړه مصمم دي.
د پاکستان د بهرنیو چارو د وزارت ویاند د ایران د اټومي تړون د ملاتړ په اړه د پاکستان پر ثابت موقف په ټینګار سره وویل: اسلامآباد د برجام د بیاژوندي کولو ملاتړ کوي او د دې تړون په اړه د ټولو مسایلو د حل او فصل غوښتونکی دی.
علي خان زیاته کړه: پاکستان د سیمې د ثبات د ساتلو او د ټولو اختلافاتو د مسالمتآمیز حل لپاره له ټولو هڅو او اقداماتو ملاتړ کوي.
