پاکستان د ښو او بدو طالبانو قایل دی

د پاکستان دخارجه چارو سلاکار وویل چې لاهم په ښو او بدو طالبانو باور لری.

زمونږ د خبریال د رپورټ له مخې سرتاج عزیز پرون وویل چې د پاکستان حکومت طالبان په ښو او بدو دوو ډلو ویشی او هڅه کوی چې ښه طالبان د افغانستان له حکومت سره خبرواترو ته تیار کړی.

هغه په عین حال کښې زیاته کړه چې طالبان په روانو حالاتو کښې د سولې د خبرواترو پیلولو ته چمتو نه دی.

د ویلو ده چې پاکستان د طالبانو ډلې هغه کسان چې په دغه هیواد کښې جنګیږی، بد او کوم چې په افغانستان کښې جنګیږی، ښه طالبان بولی.