اسلامی نړئ دې د اسرائیلي جنایاتو پر وړاندې غوڅ ګامونه پورته کړي
د ملایشيا لومړي وزیر د پاکستان په څنګ کې د خپل هیواد د صهیونیسټي رژیم له خوا د فلسطین په نیواکي ټاټوبو کې د جنایاتو پر وړاندې په همغږۍ په ټینګار سره، د غزې د خلکو د رنځ د ختمولو لپاره د دواړو خواؤ د ګډو او غوڅو ګامونو د پورته کولو په باب غوښته وړاندې کړه او وې ویل چې ملایشيا د ټرمپ د ۲۰ ماده ایز پلان چوکاټ په اړه ملاحظې لري.
ایرناخبری آژانس نن د پاکستان د رسمي خبري اژانس له قوله راپور ورکړی،ملایشیا ته د پاکستان د لومړی وزیر شهباز شریف د سفر په په وخت کې، دواړو هېوادونو دملګرتیا شپږسندونه لاسلیک کړل.
د ملایشیا لومړی وزیر انور ابراهیم، په پوتراجایا کې د پاکستان له لومړي وزیر شهباز شریف سره په ګډ مطبوعاتي کنفرانس کې وویل چې ملایشيا به له پاکستان سره په دفاعي او د ترهه ګر ضده چارو کې ملګرتیا پیاوړې کړي.
هغه د جنوبي اسیا بدلونونو ته په اشارې سره وویل، د پاکستان او هند ترمنځ سوله د سیمې د ثبات لپاره حیاتي ده.
د ملایشیا لومړي وزیر هم د فلسطین د ملاتړ او په غزې کې د نسل وژنې د دریدا لپاره دپاکستان د دریځ ستاینه وکړه او وې ویل: مونږ د غزې دشخړې دختمولو لپاره د امریکا د ولسمشر د پلان هرکلی کوو،البته ملایشيا د دغه پلان د چوکاټ په اړه خپلې ملاحظې لري.
همدارنګه، د پاکستان لومړي وزیر،شهباز شریف هم په دغې لیدنې کې وویل، هېواد ئې د ګډو موخو ترلاسه کولو لپاره له ملایشيا سره لویو اقتصادي ملګرتیاؤ ته ژمن دی. هغه ووئيل باید نړیواله ټولنه په تیره بیا اسلامی نړۍ د غزې د مظلومو خلکو د درد او کړاؤ د ختمولو لپاره جدی ګامونه پورته کړي او په نړیوالو اورګانونو کې دې د جنایتکارو په ضد خپل دریځونه روښانه او عملی کړي.
