په پاکستان کې د داعش خراسان ترجمان عزیز اعظام نیول شوی
په وروستیو ورځو کې، پاکستانیو چارواکو د داعش خراسان ډلې په وړاندې څو لوي عملیات کړي او د هغوي ئې ځیني مهم کمانډران او مسئ،لان ئې نیولي دي چې سلطان عزیز اعظام او ابو یاسر الترکي هم پکې شامل دي.
زمونږخبریال د دنیانیوز له قوله راپورراکړ په پاکستان کې په یولړ امنیتی عملیاتو کې د داعش خراسان ډلې ویندوي او د دغه ترهه ګر لوري د رسمي میډیا څانګې "الاعظائم فاؤنډیشن " بنسټ ایښودونکی ترهګر، سلطان عزیز اعظام، نیول شوی دی.
سلطان عزیز اعظام د ۲۰۲۵ کال په مئ میاشت کې له افغانستانه پاکستان ته د تلو په هڅې کې نیول شوی. اعظام د داعش خراسان ډلې د میډیا په فعالیتونو کې مهم رول لوبولی. د معلوماتو له مخې، "الاعظائم فاؤنڈیشن" د داعش خراسان ډلې د جذب او پروپیګنډیزو فعالیتونو لپاره اصلي چینل یا تنظیم ګڼل کیږي.
د عزیز اعظام له نیول کیدو وروسته د داعش خراسان ډلې میډیا فعالیتونه هم وځنډيدل . د ۲۰۲۱ کاال په نومبر میاشت کې امریکا اعظام د "سپیشل ډیزګِنیټډ ګلوبل ټیرورسټ" په توګه نومولی و. د امنیتي منابعو په وینا، اعظام په ۱۹۷۸ کال کې په افغانستان کې د ننګرهار ولایت په یوه کلي کې زیږیدلی، په ۲۰۰۵ کال کې ئې د ننګرهار پوهنتون څخه د فقې او قانون په رشته کې فارغ التحصیل شو. وروسته یې په جلال آباد کې د یوه ایف ایم راډیو چینل سره کار پیل کړ. اعظام په ۲۰۱۶ کال کې داعش خراسان ډلې په شاملیدو سره د دغې ترهګرې ډلې یوه سرغنه شو
په وروستیو ورځو کې، پاکستانیو چارواکو د داعش خراسان ډلې په وړاندې څو لوي عملیات کړي او د هغوي ئې ځیني مهم کمانډران او مسئ،لان ئې نیولي دي چې سلطان عزیز اعظام او ابو یاسر الترکي هم پکې شامل دي.
د ملګرو ملتو د "اینالیټیکل سپورټ اینډ سینکشنز مانیټرینګ ټیم" د مئ په ۱۶ راپور کې ویل شوي، د پاکستان د عملیاتو له امله داعش خراسان ته نړیوال زیان رسیدلی، ډیری پلان شوي بریدونه ئې ناکام شوي او د دغې ډلې جګړه مارانو کې کمی راغلی دی، پدې ترڅ کې د دې ډلې څو مهم قوماندانان او نظریاتي مشران هم وژل شوي دي.
