د پاکستان وزیراعظم ناڅاپه عربستان ته لاړ

د پاکستان وزیراعظم د عربستان له جګپوړو چارواکو سره د کتنې پ موخه سعودي عربستان ته تلی دی.

د فارس خبري آژانس په حواله دپارس ټوډی د خبر له مخې، محمد شهباز شریف، له وارمخکښې اعلان پرته څو ساعته مخکښې ریاض ته سفر وکړ ترڅو له سعودي ولیعهد محمد بن سلمان سره ملاقات وکړي.

د پاکستان د وزیراعظم دفتر وویل چې دغه کتنه، ډیپلماسۍ ته د اسلام آباد د ژمنوالي نښه ده او دا هیواد به هم دغه شان په سیمه کښې د شخړو د کمولو لپاره خپلې هلې ځلې جاري وساتي.

له دې مخکښې د پاسکتان وزیراعظم په ایران باندې د امریکې په حملې نیوکه کړې او ویلي یې وو چې دا کار به د سیمې امنیت کمزوری کړي.

#افغانستان