له ایران سره جنګ نه غواړي ؛ اسرائیل یوازې پاتې شوی
د پاکستان دفاع وزیر خواجه محمد آصف په اسلامآباد کې د جیو نیوز ټيلیویژني چینل په یوه سیاسي پروګرام کې وویل: ما په بیشکک کې د شانګهای ملګرتیا موسیسې د غړو هېوادونو د دفاع وزیرانو د غونډې په څنډې کې د ایران د اسلامي جمهوریت له پلاوي سره ولیدل، هغوی ډېر پیاوړی هوډ او لوړه روحیه لري، او مونږ د دې قدرداني کوو چې ایران د ډیپلوماسۍ د پرمخ بېولو لپاره پر پاکستان باور لري.
ایرنا خبری آژانس له اسلام اباده راپور ورکړی، د پاکستان د دفاع وزیر خواجه محمد آصف د د ایران په ضد د امریکا او اسرائيلي د تپلي جنګ پر مهال د ایران د کلکې ارادې او مورال ستاینه وکړه او وې ویل: د بل جنګ د پیل احتمال ډېر کم دی، ځکه هېڅ هېواد، حتی د فارس خلیج هاخوا د ایران ګاونډیان ، د تهران پر ضد د جنګ ملاتړ نه کوي، او اسرائیل په دې لاره کې یوازې پاتې شوي دي؛ ځکه د نړۍ عامه افکار، حتی د امریکا خلک هم، د واشنګټن د انتخابي جنګ مخالف دي.
په راپور کې وئیل شوي دي د پاکستان دفاع وزیر خواجه محمد آصف په اسلامآباد کې د جیو نیوز ټيلیویژني چینل په یوه سیاسي پروګرام کې وویل: ما په بیشکک کې د شانګهای ملګرتیا موسیسې د غړو هېوادونو د دفاع وزیرانو د غونډې په څنډې کې د ایران د اسلامي جمهوریت له پلاوي سره ولیدل، هغوی ډېر پیاوړی هوډ او لوړه روحیه لري، او مونږ د دې قدرداني کوو چې ایران د ډیپلوماسۍ د پرمخ بېولو لپاره پر پاکستان باور لري.
هغه زیاته کړه: زه فکر نه کوم چې جنګ به بیا پیل شي. اوس مونږ د نړۍ د خلکو سخت مخالفت وینو، ځکه هغوی دا جنګ د امریکا انتخابي جنګ بولي، حتی د امریکا عامه افکار هم د جګړې مخالف دي.
هغه ټینګار وکړ: «د پاکستان او ایران اړیکې ډېرې پخوانۍ دي، او مونږ د زرګونو کلونو ژبنۍ او ګاونډیتوب اړیکې لرو، نو زه باور لرم چې حتی د فارس خلیج هاخوا د ایران ګاونډي هېوادونه هم د جګړې ملاتړي نه دي.»
خواجه محمد آصف زیاته کړه: «زموږ لپاره د چین او روسیې دریځ مهم دی. د هغوی نظر ډېر روښانه او د درک وړ دی، ځکه هغوی د نورو هېوادونو ترڅنګ هېڅکله د ایران پر ضد د جګړې ملاتړ نه کوي.»
