پاکستان: پر ایران د امریکا ټول پلي کېدونکي بندیزونه مراعاتوو

د پاکستان د بهرنیو چارو وزارت ویاند ویلي چې پاکستان پر ایران د امریکا ټول پلي کېدونکي بندیزونه مراعاتوي.

د بهرنیو چارو وزارت ویاند په یوه خبري غونډه کې وویل چې پاکستان به د نړیوالو او کورنیو قوانینو له مخې د بندیزونو د ټولو نظامونو پلي کولو ته دوام ورکړي.

هغه وویل، پاکستان د ایران او امریکا ترمنځ د جګړې د پای ته رسولو لپاره له ټولو اړوندو لورو سره په دوامدار او رغنده تماس کې دی.

ویاند زیاته کړه چې د شخړې د حل لپاره باید د خبرو اترو او ډیپلوماسۍ له لارې لاره وموندل شي.