امریکا او صهیونیسټ رژیم په سیمه کښې د داعش ملاتړي دي
د پاکستان د مجلس وحدت مسلمین عمومي منشي د کربلا د ترهګرې چاودنې په غندلو سره امریکا او صهیونیسټي رژیم په سیمه کښې د داعش ترهګرې ډلې ملاتړي وبلل.
علامه راجا ناصر عباس جعفري نن د عراق په کربلا او بابل ښارونو کښې د وروستیو ترهګرو چاودونو په غبرګون کښې وویل: امریکا او صهیونیسټ رژیم د داعش ترهګرې ډلې د جنایتونو ملاتړ کوي او دغه ډله د اسلامي هیوادونو د حالاتو د خرابولو لپاره استعمالوي.
هغه زیاته کړه: هغه هیوادونه او کسان چې د داعش د ترهګرو عملیاتو او د بیګناه خلکو د وژلې په وړاندې یې خوله ګنډلې ده، پوه دې شي چې دا اور به یوه ورځ خپله د دوي په لمن ولګي.
د پاکستان د مجلس وحدت مسلمین عمومي منشي وویل چې د داعش شتون نه یوازې د اسلامي هیوادونو بلکې د ټولې نړۍ د امنیت لپاره خطرناک دی نو په دې وجه ټولو هیوادونو له پکار دي چې د دغې ډلې د نابودولو هڅه وکړي.
د عراق په کربلا او بابِل نومې ښارونو کښې په پرونیو ترهګرو چاودونو کښې لږترلږه دیرش عراقیان وژل شوي او ۴۸ نور زخميان شوي دي.
