د پاکستان عسکرو څلور هندي عسکر ووژل

د پاکستان پوځ وایي چې د کشمیر په کنټرول کرښه کې یې دهندي ځواکونو د حملې په ځواب کې په هغوی برید کړی څلور هندي عسکر یې وژلې او د هغوی  مورچې یې له مینځه وړې دي.

د پاکستان د پوځ د عمومي اړیکو  له خوا په خپرې شوې  خبرتیا کې  راغلې د پاکستان پوځ د هند په دوو مورچو برید کړی ځکه چې له دغه ځایه د جولایي په اتمه نیټه  د پاکستان په خلکو برید شوی و او یوشمیر ملکي کسان پکې وژل شوې وو.

د ویلو ده چې د حزب المجاهدین دکوماندان برهان واني د  وژلې دکلیزې په درشل کې هندي ځواکونو  د کشمیر په کنټرول لاین کې په راولا کوټ  سیمه په برید کې  پينځه کسان منجمله څلور ښځې وژلې وې.

هند او پاکستان  همیشه یو بل  د کشمیر په کنټرول کرښه کې د اوربند په خلاف ورزۍ تورنوي.