پاکستان په افغانستان کښې دصلحې په ټینګیدا ټینګار وکړ

تسنیم خبری اژانس وایی دپاکستان دفاع وزیر خرم دستګیر خان پرون په یوې(۱) وینا کښې دافغانستان له حکومت سره د ملګرتیا لپاره داسلام اباد دچمتووالی خبر ورکړ او ویې ویل پاکستان په افغانستان کښې دصلحې غوښتونکی دی .

هغه دافغانستان دحکومت چارواکو ته په وینا کښې وویل اسلام اباد نشی کولای دافغانستان جنګ په خپل هیواد کښې پرمخ بوځی .

د پاکستان دفاع  وزیر خرم دستګیرخان په افغانستان کښې  ناامنیوته په اشارې سره وویل ددغه هیواد مشکلات او  کړکیچ باید دخبرو له لارې حل شی .

له تیرو څو میاشتو راهسې د پاکستان او د افغانستان اړیکې تاوتریخجنې شوی دی او دواړه هیوادونه یوبل له ترهګرۍ په ملاتړ تورنوی .

افغانستان او دغه راز امریکا تل وایی چې پاکستان د طالبانو او حقانی ترهګرو ډلو ملاتړ کوی او ددغو ډلو پټنځایونه په پاکستان کښې دی خو پاکستان دغه تور ردوی .