پاکستان سعودی عربستان ته نور پوځیان استوی
-
سعودي عربستان تل په پاکستان دباو اچوي او پیسو او دتیلو تمه ورکوي چې دغه هیواد ته نور پوځیان واستوي .
زمونږ خبریال وایی دپاکستان یوشمیر نور عسکر په عربستان کښې دیره کیږی .
په اسلام اباد کښې د سعودی عربستان د سفیر نواف سعید ال مالکی(Nawaf Saeed Al Maliki) او دپاکستان دپوځ دمشر جنرال قمر جاویدا باجوا ترمینځ په پنډۍ کښې له کتنې وروسته وویل شو چې دپاکستان د پوځ یوشمیر نور عسکر به د روزنې او د سلامشورې لپاره په سعودی عربستان کښې دیره شی .
د پاکستان دپوځ مشر او د سعودی عربستان سفیر په پنډۍ کښې په دغه کتنې کښې ددوه اړخیزه اړیکو او دسیمې د امنیتی حالاتو په اړه هم خبرې وکړې .
دپاکستان دغه نوی عسکر به په سعودی عربستان کښې له مخکې څخه دیره شوی عسکرو سره یوځاې شی او دعربستان دباندې به دیره نشی .
د ویلو ده چې پاکستان له مخکې څخه په سعودی عربستان کښې څو زره عسکر لری چې دیمن سرحد ته نږدې یې دیره کړی دی .
ځینې راپورونه وایی چې دپاکستان دغه نوی پوځیان به هم له یمن سره دسعودی عربستان په سرحد کښې دیره شی .
دپاکستان د پوځ دغه اقدام د هیواد دسیاسی ګوندونو غصه راپارولی ده .
دپاکستان سیاسی ګوندونو دیمن په کړکیچ کښې دخپل هیواد او دپوځ له ښکیلیدا سره مخالف دی .
سعودی عربستان تل په پاکستان دباو اچوی او پیسو او دتیلو تمه ورکوی چې دغه هیواد ته نور پوځیان واستوی .
