پاکستان دافغانستان له طالبانو سره خبرو ته چمتو دی
-
د افغانستان دحکومت او دطالبانو ډلې ترمینځ خبرې په حقیقت کښې د دوو (۲)سیاسي ځواکونو ترمینځ خبرې دي .
زمونږخبریال وایی دپاکستان د بهرنیو چارو وزیر خواجه اصف دیوې جایزې سیاسی ډلې په توګه دطالبانو په رسمیت دپیژندلو لپاره دکابل د سیاسی پروسې ملاتړ اعلان کړ او ویې وویل اسلام اباد چمتو دی له طالبانو سره مخامخ خبرې اترې وکړی .
د پاکستان دباندنیو چارو دوزیر خواجه اصف دغه څرګندونې په کابل کښې د سولې د پروسې په دوهم (۲)کانفرنس کښې د ولسمشر اشرف غنی له څرګندونو وروسته شوی دی .
اشرف غنی په دغه کانفرنس کښې دافغانستان طالبانو ډلې ته وړاندیز کړی وو چې هغه د یوې جایزې سیاسی ډلې په توګه په رسمیت وپیژندی او په طالبانو ډلې یې غږ کړی وو چې د هیواد دژغورلو لپاره د سولې په خبرو کښې ګډون وکړی .
دافغانستان ولسمشر اشرف غنی د کابل دپروسې په دوهم (۲)کانفرنس کښې ویلی وو دغه پروسه به د پاکستان دهڅولو لپاره د نړیوالو هڅو په شمول له غږمله ډیپلوماټیک ملاتړ سره یوځاې وی .
دافغانستان حکومت په پرله پسې ډول په پاکستان تور لګوی چې دطالبانو او دحقانی ډلې ملاتړ کوی او دافغانستان له ناامنیو دځان لپاره ګټه پورته کوی .
دافغانستان ولسمشر اشرف غنی دغه راز دکابل په کانفرنس کښې له پاکستان سره د خبرو وړاندیز وکړ چې اسلام اباد یې هرکلی هم وکړ .
دپاکستان خارجه وزیر خواجه اصف هم چین او دپاکستان د اقتصادی کوریډرو له یوشمیر پانګوالو سره په کتنې کښې وویل د افغانستان دحکومت او دطالبانو ډلې ترمینځ خبرې په حقیقت کښې د دوو (۲)سیاسی ځواکونو ترمینځ خبرې دی او پاکستان به ددغو خبرو ملاتړ وکړی .
