نن په پاکستان کې د ولسمشر د ټاکل کیدو انتخابات ترسره کیږي
په پاکستان کې د ولسمشرۍ د انتخاباتو په درشل کې د مذاکراتو او ولسمشرۍ لپاره د یو واحد کاندیدا په ټاکلو کې د اپوزیشن هڅې له ماتې سره مخامخ شوې.
د تسنیم خبري اژانس د راپور له مخې د پاکستان د اپوزیشن ګوندونه پرون ونه توانیدل د ولسمشرۍ لپاره یو واحد کاندید په ګوته کړي.
د پاکستان د ملي او صوبایي جرګو او د مشرانو جرګې تر یوولسو سوو زیات استازي به نن سه شنبه سهار له لسو بجو د پاکستان د نوي ولسمشر د غوره کولو لپاره رایې اچونه پیلوي چې تر مازیګره به روانه وي.
د ولسمشرۍ د انتخاباتو لپاره درې قطعي کاندیدان د تحریک انصاف عارف علوي. د پيپلز پارټۍ اعتزاز احسن او د جمعیت علمای اسلام مشر فضل الرحمان دی.
کاندیدا باید پنځوس فیصده اعشاریه یوه رایه وګټي چې د پاکستان د ولسمشرۍ په کرسۍ کښیني. د پاکستان په انتخاباتو د څارنې د کمیټې په امر د رایو شمیر به په پټه توګه ترسره شي. دې ته په پام سره چې اپوزیشن ګوندونه په یو کس متفق نه شول د عارف علوي د کامیابۍ چانس ډیر زیات دی او هغه د راتلونکو پینځوکلونو لپاره د پاکستان ولسمشر جوړیدلی شی.
په پاکستان کې د ولسشمر ممنون حسین د ولسمشرۍ دوره د دوه زره اتلسم کال د ستمبر په اتمه نیټه پای ته رسیږي.
