د پاکستان وزیراعظمۍ ماڼۍ په پوهنتوني مرکز بدلیږي
د پاکستان د حکومت د ښوونې او روزنې وزیر وویل چې د دغه هیواد وزیراعظم هاؤس، له اشرافي ګرۍ سره د مقابلې په موخه د انفارمیشن ټیکنالوجۍ په غوره پوهنتون بدلیږي.
د ایرنا د خبر له مخې شفقت محمود پرون په اسلام آباد کښې یوه خبري غونډه کښې وویل: د پاکستان ولسمشرۍ ماڼۍ په ۵ لکه او ۵۴ زره مربع کیلومیټره ځمکه جوړه ده او کلنی خرڅ یې کابو څلور نیم میلیون ډالره دی نو په دې وجه په دغه ماڼۍ کښې د انفارمیشن ټیکنالوجۍ پوهنتون جوړیږي.
د پاکستان د ښوونې او روزنې وزیر زیاته کړه: همداشان ټاکل شوې چې د مري په سیاحتي ښار کښې د وزیراعظم ماڼۍ هم په شپږ میلیون ډالر لګښت سره په هوټل بدلیږي او له دې لارې ترلاسه شوې پيسې د پاکستان ملي خزانې ته ستنول کیږي.
د پاکستان د حکومت د پریکړې له مخې د مري په ماڼۍ کښې د (حکومت د خونې) ښایسته ودانۍ په میوزیم بدلیږي او خلک به د دغې پرتمینې ودانۍ کتنه وړیا کولی شي.
شفقت محمود زیاته کړه چې د پاکستان د تیرو حکومتي چارواکو تجملي ژوند د خلکو ستونزې زیاتې کړې دي خو د عمران خان حکومت هڅه کوي چې د ژوند دا طریقه بدله کړي.
